ជាដំណឹងដ៏រីករាយសម្រាប់បងប្អូនយុវជន យុវនារីដែលកំពុងស្វែងរកការងារ ខណ:ពេលនេះរោងចក្រ ស៊ិនគី អឹភែរឹល SHINKI APPAREL (CAMBODIA) CO.,LTD បានប្រកាសជ្រើសរើសបុគ្គលិកចូលបម្រើការងារក្នុងរោងចក្ររបស់ខ្លួន ដែលមានទីតាំងនៅក្នុងខេត្តកំពង់ឆ្នាំង។
យោងតាមការចុះផ្សាយរបស់ហ្វេសប៊ុកផេកផ្លូវការរបស់ ទីភ្នាក់ងារជាតិមុខរបរ និងការងារ （ National employment agency ）នៅថ្ងៃទី១៩ ខែវិច្ឆិកា ឆ្នាំ២០២៤ បានអោយដឹងថា ការជ្រើសរើសបុគ្គលិកនេះគឺមានសរុបរហូតដល់ទៅ ១ ម៉ឺននាក់ឯណោះ។ នៅក្នុងនោះមានមុខតំណែង២ គឺ៖ ទី១. កម្មករ កម្មការិនី ផ្នែកបង្ហើយការងារ និងទី២. កម្មករ កម្មការិនីចេះដេរ និងមិនចេះដេរ
គួរបញ្ចាក់ផងដែរថា ចំពោះអត្ថប្រយោជន៍ដែលទទួលបានសម្រាប់អ្នកចេះដេរស្ទាត់ អាចទទួលបានប្រាក់ខែគោល ២១៥ ដុល្លារ ដល់ ២២០ ដុល្លារ និងអត្ថប្រយោជន៍ផ្សេងៗទៀត។ ចំពោះអ្នកមិនចេះដេរសោះ យកមកបង្រៀន ហើយទទួលបានប្រាក់ខែគោល ២០៨ដុល្លារនិងប្រាក់ឧបត្ថម្ភផ្សេងទៀត។
ដូច្នេះសម្រាប់បងប្អូនដែលចាប់អារម្មណ៍និងត្រូវការព័ត៌មានបន្ថែម សូមទាក់ទងទៅកាន់មជ្ឈមណ្ឌលការងាររាជធានីភ្នំពេញរបស់ NEA តាមរយៈលេខ ០១៦ ៧៨ ៦៦ ៥៥ និងតេលេក្រាម ០៧៧ ២៣២ ៣៧៨ ឬ គេហទំព័រ www.nea.gov.kh និងទំព័រ Facebook (neakhmer)៕
