ថ្មីៗនេះក្រុមហ៊ុន OPPO បានប្រកាសនៃការរៀបចំព្រឹត្តិការណ៍សម្ពោធជាសកលលោក OPPO Find X8 Series រួមជាមួយនឹងប្រព័ន្ធប្រតិបត្តិការចុងក្រោយបំផុត ColorOS 15 ដែលនឹងប្រព្រឹត្តទៅថ្ងៃទី21 ខែវិច្ឆិកា 2024 លើកោះបាលី នាប្រទេសឥណ្ឌូនេស៊ី វេលាម៉ោង 12:00 ថ្ងៃត្រង់ (ម៉ោងក្នុងប្រទេសកម្ពុជា) ដែលមានការ Live ផ្ទាល់ចេញពី YouTube លើ Channel OPPO Cambodia ផងដែរ នេះបើយោងតាមផេគផ្លូវការរបស់ OPPO ប្រចាំប្រទេសកម្ពុជា។

សម្រាប់ហ្វេនៗ OPPO ប្រាកដជាឆ្ងល់ហើយមែនអត់ សម្រាប់លើកនេះតើ OPPO Find X8 Series នឹងសម្ពោធនិងចេញលក់ក្នុងប្រទេសកម្ពុជាឬទេ? នេះបើតាមការបង្ហើបពី OPPO ប្រចាំប្រទេសកម្ពុជាបានឲ្យដឹងថា សម្រាប់ទីផ្សារក្នុងស្រុកយើង ក៏ត្រៀមខ្លួនទទួលបទពិសោធថ្មីដ៏អស្ចារ្យពីកំពូលស្មាតហ្វូននេះ ហើយក៏ត្រៀមនឹងសម្ពោធក្នុងពេលឆាប់ៗផងដែរ ក្រោយការសម្ពោធជាសាកលនេះ។

ដូចនេះអ្នកប្រាកដជាឆ្ងល់ហើយថា តើកំពូលស្មាតហ្វូនមួយនេះវាមានចំណុចពិសេសជាងមុនអ្វីខ្លះ? ដូចដែលយើងបានដឹងស្រាប់មកហើយសម្រាប់ទូរស័ព្ទ Flagship ស៊េរី Find របស់ OPPO តែងតែទទួលបាននូវការកោតសរសើរពីគុណភាពកាមេរ៉ាដ៏ល្អឥតខ្ចោះ និងការរចនាប្រកបដោយភាពច្នៃប្រឌិត។