ខេត្ដកណ្ដាលនឹងមានផ្លូវកៅស៊ូថ្មី តភ្ជាប់តំបន់សំខាន់ៗចំនួន ២ ដើម្បីឲ្យពលរដ្ឋងាយស្រួលធ្វើដំណើរ
Bunthoeun KoemNOVEMBER 14 20227.5 K views

រាជរដ្ឋាភិបាលនឹងធ្វើការសាងសង់ផ្លូវកៅស៊ូថ្មីមួយខ្សែ ដែលមានឈ្មោះថាផ្លូវលេខ ២៣ តភ្ជាប់ពីឃុំលើកដែកស្រុកកោះធំ ទៅកាន់ស្រុកលើកដែក ខេត្ដកណ្ដាល។ ផ្លូវសំខាន់មួយខ្សែនេះនឹងអាចឲ្យពលរដ្ឋធ្វើដំណើរទៅអ្នកលឿងកាន់តែមានភាពងាយស្រួល និងចំណាយពេលតិចជាងមុន ព្រោះពុំចាំបាច់ធ្វើដំណើរមកកាន់ផ្លូវជាតិលេខ ១ ធ្វើដំណើរតទៅអ្នកលឿងទៀតនោះទេ។

តាមប្រសាសន៍របស់ឯកឧត្ដម ស៊ុន ចាន់ថុល ទេសរដ្ឋមន្ដ្រី រដ្ឋមន្រ្ដីក្រសួងសាធារណការ និងដឹកជញ្ជូនថ្លែងកាលពីពេលថ្មីៗកន្លងទៅនេះបានឲ្យដឹងថា បច្ចុប្បន្នផ្លូវកៅស៊ូថ្មីនេះត្រូវបានធ្វើការសិក្សា និងដាក់ដេញថ្លៃបានចប់សព្វគ្រប់ហើយ ខណៈរង់ចាំពេលបើកការដ្ឋានតែប៉ុណ្ណោះ។​

313291937 446641814268586 8707167183338872123 N (1)

ថ្លែងក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងសាធារណការ និងដឹកជញ្ជូន” ឯកឧត្ដម ស៊ុន ចាន់ថុល បានលើកឡើងយ៉ាងដូច្នេះថា «បងប្អូនប្រជាពលរដ្ឋ ជាពិសេសបងប្អូននៅស្រុកកោះធំ ឃុំលើកដែក នឹងមានធ្វើផ្លូវកៅស៊ូពីឃុំលើកដែក ទៅស្រុកលើកដែក។ ដូច្នេះបងប្អូនដែលចង់ទៅលេងអ្នកលឿង ពីឃុំលើកដែកនៅស្រុកកោះធំ មិនបាច់មកភ្នំពេញ ហើយទៅផ្លូវជាតិលេខ ១ ទៅអ្នកលឿងទេ គឺផ្លូវលេខ ២៣ តភ្ជាប់ត្រង់តែម្ដង»

សូចជម្រាបផងដែរថា បច្ចុប្បន្នខេត្ដកណ្ដាលកំពុងក្លាយជាចំណុចទាក់ទាញនៅក្នុងការអភិវឌ្ឍន៍ពីរាជរដ្ឋាភិបាលពិសេសប្រព័ន្ធហេដ្ឋារចនាសម្ព័ន្ធ ដែលមានស្ពាន សាលារៀន មន្ទីពេទ្យ។ អ្វីដែលកាន់តែពិសេសទៀតនោះកាលពីពេលថ្មីៗកន្លងទៅ សម្ដេចតេជោ ហ៊ុន សែន នាយករដ្ឋមន្រ្ដីនៃព្រះរាជាណាចក្រកម្ពុជា បានប្រកាសឲ្យអភិវឌ្ឍន៍តំបន់ល្វាឯមក្លាយទៅជាទីក្រុងថ្មី ចំណុះឲ្យខេត្ដកណ្ដាលផងដែរ៕

អត្ថបទ៖ កឹម ប៊ុនធឿន

 

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia