នាព្រឹកថ្ងៃទី ០២ ខែ ឧសភា ឆ្នាំ២០២៣ ក្រសួងធនធានទឹកនិងឧតុនិយម បានឱ្យដឹងថា ចាប់ពីថ្ងៃទី ០៣ ខែ ឧសភា ដល់ថ្ងៃទី ០៤ ខែ ឧសភា ឆ្នាំ ២០២៣ កម្ពុជានឹងបន្តទទួលឥទ្ធិពលខ្សោយពីទ្រនុង សម្ពាធខ្ពស់ចិន ខណៈអាកាសធាតុបែបនេះអាចបន្តពីថ្ងៃទី០៨ ខែឧសភា ដែលជាហេតុធ្វើឱ្យកម្ពុជាទទួលឥទ្ធិពលខ្សោយពីជ្រលងសម្ពាធទាបឥណ្ឌា និងខ្យល់មូសុងនិរតី ដែលបណ្ដាលឱ្យខេត្តនៅតាមតំបន់ទាំង ៣ ខាងក្រោមនឹងទទួលរងនូវឥទ្ធិពលផងដែរ។
យោងតាមសេចក្ដីជូនដំណឹងរបស់ក្រសួងធនធានទឹកនិងឧតុនិយម តំបន់ចំនួន៣ ដែលទទួលរងឥទ្ធិពលរួមមាន៖
១. តំបន់ទំនាបកណ្ដាល
តំបន់នេះចាប់ពីថ្ងៃទី០៣ ដល់ថ្ងៃទី០៧ ខែឧសភា ឆ្នា២០២៣ ស្ថាបភាពភ្លៀងធ្លាក់ដោយផ្នែកក្នុងបរិមាណពីខ្សោយទៅតិច លាយឡំដោយ ផ្គរ រន្ទះ និងខ្យល់កន្រ្តាក់។ ហើយចាប់ថ្ងៃទី៨ ខែឧសភា ស្ថានភាពភ្លៀងនឹងមានការកើនឡើងរាយប៉ាយក្នុងបរិមាណពីតិចទៅចង្គួរលាយ ឡំដោយរផ្គះ រន្ទះ និងខ្យល់កន្រ្តាក់។
២. តំបន់ខ្ពង់រាប
ចំពោះតំបន់នេះវិញចាប់ពីថ្ងៃទី៣ ដល់ថ្ងៃទី០៧ ខែឧសភា ឆ្នាំ២០២៣ ស្ថានភាពភ្លៀងធ្លាក់ដោយផ្នែកក្នុងបរិមាណពីខ្សោយទៅមធ្យម លាយឡំ ដោយផ្គរ រន្ទះ និងខ្យល់កន្រ្កាក់និង បន្តពីថ្ងៃទៅ០៨ ខែឧសភា ស្ថានភាពភ្លៀងនឹងមានការកើនឡើងរាយប៉ាយក្នុងបរិមាណពីតិចទៅបង្គួរ លាយឡំដោយផ្គរ រន្ទះ និងខ្យល់កន្ត្រាក់។
៣.តំបន់មាត់សមុទ្រ
ដោយឡែកតំបន់ចុងក្រោយនេះវិញ ចាប់ពីថ្ងៃទី០៣ ដល់ថ្ងៃទី០៧ ស្ថានភាពភ្លៀងធ្លាក់ដោយផ្នែកក្នុងបរិមាណពីខ្សោយទៅមធ្យម លាយឡំ ដោយផ្គរ រន្ទះ និងខ្យល់កន្រ្កាក់ ហើយក៏បន្តពីថ្ងៃទី០៨ ខែឧសភា ឆ្នាំ២០២៣ ស្ថានភាពភ្លៀងនឹងមានការកើនឡើងក្នុងបរិមាណពីតិចទៅបង្គួរ លាយឡំដោយ ផ្គរ រន្ទះ និងខ្យល់កន្ត្រាក់។
ជាមួយគ្នានេះដែរ ក្រសួងធនធានទឹកនិងឧតុនិយមបានអំពាវនាវឱ្យបងប្អូនដែលរស់នៅតាមបណ្តាខេត្តនៃតំបន់ខាងលើបង្កើនការប្រុងប្រយ័ត្នឱ្យបានខ្ពស់ និងថែទាំសុខភាពឱ្យបានល្អ ចំពោះបាតុធម្មជាតិដែលអាចកើតមានឡើងជាយថាហេតុ៕
អត្ថបទដោយ៖ ឌឿក ស្រីនុត
