យោងតាមការចុះផ្សាយ ដោយក្រសួងធនធានទឹក និងឧតុនិយម បានឱ្យដឹងថា ដោយសារតែរបបខ្យល់មូសុងឦសានជាមួយសម្ពាធទាបនៅតែបន្តគ្របដណ្តប់លើសមុទ្រចិនខាងត្បូង អាងទន្លេមេគង្គក្រោមនឹងធ្វើឱ្យកម្ពុជាមានធ្វើភ្លៀងធ្លាប់ចាប់ពីថ្ងៃទី២៤ដល់ទី២៦ ខែកុម្ភៈ ឆ្នាំ២០២៥ ជាពិសេសគឺខេត្តកោះកុង ព្រះសីហនុ កំពត កែប និងមានភ្លៀងធ្លាក់គ្របដណ្តប់លើផ្ទៃដីរហូតដល់ ២៥%។

ជាមួយគ្នានោះដែរ ស្ថានភាពបែបនេះនឹងធ្វើឱ្យតំបន់វាលទំនាប មានសីតុណ្ហភាពមធ្យមអប្បបរមា២២°C និងសីតុណ្ហភាពមធ្យមអតិបរមា ៣៤°C។ ខ្យល់ បក់មកពីទិសបូព៌និងអាគ្នយ៍មានល្បឿនមធ្យម ២ម៉ែត្រ/វិនាទី។ ខេត្តបន្ទាយមានជ័យ បាត់ដំបង ពោធិ៍សាត់ ស្វាយរៀង ព្រៃវែង កណ្ដាល កំពង់ចាម កំពង់ធំ ត្បូងឃ្មុំ កំពង់ឆ្នាំង តាកែវ និងភ្នំពេញអាចមានភ្លៀងធ្លាក់គ្របដណ្តប់លើផ្ទៃដី១០%។

ចំពោះតំបន់ខ្ពង់រាប៖ សីតុណ្ហភាពមធ្យមអប្បបរមា ២២°C និងសីតុណ្ហភាពមធ្យមអតិបរមា ៣៣°C។ ខ្យល់បក់មកពីទិសបូព៌និង អាគ្នេយ៍មានល្បឿនមធ្យម ៣ម៉ែត្រ/វិនាទី ខេត្តកំពង់ស្ពឺ ក្រចេះ ស្ទឹងត្រែង រតនគិរី មណ្ឌលគិរី ព្រះវិហារ ឧត្តរមានជ័យ ប៉ៃលិន និងតំបន់ជួរ ភ្នំក្រវាញ អាចមានភ្លៀងធ្លាក់គ្របដណ្ដប់លើផ្ទៃដី១០%។

គួរជម្រាបថា នៅអំឡុងពេលភ្លៀងធ្លាក់៣ថ្ងៃជាប់ៗគ្នានេះ បងប្អូនត្រូវតែថែរក្សាសុខភាពឱ្យបានល្អ ពេលចេញទៅក្រៅត្រូវត្រៀមអាវភ្លៀង ចៀសវាងត្រូវទឹកភ្លៀង៕