Pruis ជាគំរូរថយន្តមួយម៉ូឌែលដែលបានឆក់យកបេះដូងប្រជាជនខ្មែរជាច្រើនជំនាន់មកហើយ នេះគឺដោយសារតែរថយន្តនេះមានភាពសន្សំសំចៃខ្លាំង តម្លៃសមរម្យ ចំណែកគ្រឿងបន្លាស់ក៏ថោក និងងាយស្រួលផ្លាស់ប្តូរថែមទៀត ខណៈបងប្អូនមានលុយត្រឹមតែ១ម៉ឺនដុល្លារអីក៏អាចជិះបានដែរ ។
ដោយសារតែវាជាប្រភេទរថយន្តស្ថិតនៅក្នុងបេះដូងរបស់អ្នកប្រើប្រាស់ច្រើន ក្រុមហ៊ុនយក្ស Toyota បានប្រកាសថាខ្លួននឹងធ្វើការបញ្ចេញម៉ូឌែល Pruis 2024 ហើយ ជាមួយនឹងបច្ចេកវិទ្យាថ្មី រូបរាងថ្មីអេមកប់ ពោលគឺ Pruis 2024 ដែលហ្វេនៗថាវាជារថយន្តកូនកាត់ Tesla នេះបើយោងទៅតាមការចុះផ្សាយដោយគេហទំព័រ Car And Driver ។
Pruis 2024 ត្រូវបានបំពាក់ដោយម៉ាស៊ីន 2.0-liter Plug-in Hybrid កម្លាំង 150 សេះ ជាមួយនឹងម៉ូទ័រអេឡិចត្រិច 161 សេះ និងកម្លាំងបង្វិល 188 Nm ។ វាក៏មានថាមពលថ្ម 13.6 kWh ដែលផ្តល់ចម្ងាយ 70 គីឡូម៉ែត្រលើការសាកម្តង ខណៈ XSE និង XSE Premium មានចម្ងាយ 63 គីឡូម៉ែត្រ។ បើនិយាយអំពីតម្លៃវិញរថយន្តមួយម៉ូឌែលនេះមានចន្លោះចាប់ពី ២៧,៦៥០ដុល្លារ ទៅ ៣៦,០៦៥ដុល្លារតម្លៃនៅបរទេស។
គួរបញ្ជាក់ថា Toyota Prius 2024 ខាងលើនេះវានៅមានចំណុចពិសេសជាច្រើនទៀត តើទាំងអស់គ្នា យល់ឃើញយ៉ាងណាដែរចំពោះម៉ូឌែលថ្មី Toyota Prius 2024 ម៉ូឌែលថ្មីស្រឡាងមួយនេះ?
