អ្នកចម្បាំងលើសមរភូមិវាលស្មៅ កីឡាករកូនកាត់ខ្មែរ-អាមេរិក Nick Taylor ប្រកបអាជីពនៅក្លិប Orlando City នៃលីគទី៣ (MSL Next Pro) លើទឹកដីសហរដ្ឋអាមេរិក នឹងលេចវត្តមានចូលរួមជាមួយក្រុមជម្រើសជាតិកម្ពុជា។

កីឡាករវ័យ២៣ឆ្នាំរូបនេះបានឲ្យដឹងថា លោក និង សហព័ន្ធបាល់ទាត់កម្ពុជា បានយល់ព្រមលើលក្ខខណ្ឌចរចារគ្នារួចរាល់។ ដូច្នេះបើគ្មានអ្វីជាឧបសគ្គក្នុងការចូលរួមនោះទេ ខ្សែបម្រើស្លាបខាងលើ នឹងក្លាយជាកម្លាំងថ្មី ក្នុងក្រុមជម្រើសជាតិកម្ពុជា នៃពានរង្វាន់វគ្គជម្រុះ AFC Asian Cup ដែលនឹងចាប់ផ្តើមនៅក្នុងខែកញ្ញានេះតែម្តង។

គួរជម្រាបផងដែរថា យោងតាមប្រភពបរទេស  Nick Taylor កើតនៅរដ្ឋតិចសាស សហរដ្ឋអាមេរិក ក្នុងគ្រួសារមួយដែលមានម្តាយជាជនជាតិខ្មែរ និងឪពុកជាជនជាតិអាមេរិក។ Nick Taylor មានកម្ពស់១.៧៨ម៉ែត្រ គឺជាថ្នាលយុវជនរបស់ក្រុម Dallas Texans, New Mexico Lobos, SMU Mustangs និង UCF Knights មុនផ្លាស់មកកាន់ Orlando City B នៅដើមឆ្នាំ ២០២២៕