ជាមួយគ្នានេះ រាជរដ្ឋាភិបាលក៏នៅតែបន្តការដំឡើងប្រាក់បៀវត្សជូនមន្ត្រីរាជការនិងកងកម្លាំងប្រដាប់អាវុធ ការដំឡើងប្រាក់សោធណជូននិវត្តជននិងជនបាត់បង់សម្បទាវិជ្ជាជីវៈជាអតីតមន្រ្តីរាជការស៊ីវិលនិងអតីតយុទ្ធជន ជាពិសេសការកាត់បន្ថយគម្លាតប្រាក់សោធនរវាងអ្នកចូលនិវត្តន៍ចាស់និងថ្មី។ ទន្ទឹមនេះ រាជរដ្ឋាភិបាលក៏បានរៀបចំប្រាក់ចំណូលជូនមន្ត្រីរាជការនិងកងកម្លាំងប្រដាប់អាវុធឱ្យទទួលបានបាននូវប្រាក់បៀវត្សអប្បបរមាកើនដល់១លាន៣០ម៉ឺនរៀល ហើយការបើកបៀវត្សបានអនុវត្តទាន់ពេលវេលា គឺបើក២ដងក្នុងមួយខែតាមប្រព័ន្ធធនគារ។

គួរបញ្ជាក់ថា បច្ចុប្បន្ននេះ កម្ពុជាមានរោងចក្រសរុបមានចំនួន១ ៩៨២រោងចក្រ ដែលភាគច្រើនជារោងចក្រ កាត់ដេរសម្លៀកបំពាក់ ស្បែកជើង និងមានឧស្សាហកម្មធុនតូច មធ្យម និងសិប្បកម្មជាង ៤៣ ៩៩៧មូលដ្ឋាន ហើយដែលបានស្រូបកម្លាំងពលករសរុបប្រមាណជាង ១,៤លាននាក់ ៕