នាយកដ្ឋានគ្រប់គ្រងឧត្តមសិក្សានៃក្រសួងអប់រំ ចុះផ្សាយកាលពីពេលថ្មីៗនេះឱ្យបានដឹងថា ក្រសួងអប់រំនឹងធ្វើ ការជ្រើសរើសបេក្ខជនចំនួន ៩៩០១នាក់ ឱ្យទទួលអាហារូបករណ៍ ចូលរៀនថ្នាក់បរិញ្ញាបត្រ មិនបង់ថ្លៃសិក្សា១០០% ។

ខណៈអាហារូបករណ៍នេះគឺសម្រាប់ឆ្នាំសិក្សា២០២៥-២០២៦ ផ្តល់ជូននៅតាមគ្រឹះស្ថានឧត្តមសិក្សារដ្ឋនិងឯកជន ចំនួន៤៣ទីតាំង។​

ក្នុងនោះសិស្សដែលដាក់ពាក្យអាហារូបករណ៍ត្រូវបែងចែកជា៧អាទិភាព ជាមួយនឹងលក្ខខណ្ឌផ្តល់អាហារូបករណ៍ចំនួន២ គឺតាមរយៈការជ្រើសរើសស្វ័យប្រវត្តិនិងតាមរយៈការប្រឡង។​

ចំពោះការដាក់ពាក្យអាហារូបករណ៍នេះគឺសម្រាប់បេក្ខជនជាសិស្សរៀនថ្នាក់ទី១២ កំពុងសិក្សាក្នុងឆ្នាំសិក្សា២០២៤-២០២៥ ដែលគេត្រូវដាក់ពាក្យស្នើសុំនៅតាមវិទ្យាល័យដែលខ្លូនកំពុងរៀនឱ្យបានមុន វេលាម៉ោង ៥:00 រសៀល ថ្ងៃទី១០ ខែមិថុនា ឆ្នាំ២០២៥ ជាកំហិត។

ដូច្នេះសម្រាប់សិស្សានុសិស្សដែលជាបេក្ខជនចំណាប់អារម្មណ៍ ព្រមទាំងមានលក្ខខណ្ឌ ដូចមានចែងនៅក្នុងលិខិតខាងក្រោមនេះហើយ សូមអានសេចក្តីប្រកាសជូនដំណឹងឱ្យហ្មត់ចត់និងប្រញាប់ដាក់ពាក្យ៕

អត្ថបទដោយ៖ ពីង ជូអេង