ក្រុមហ៊ុនផលិតរថយន្តកូនកាត់អង់គ្លេស-ចិន MG កាលពីពេលថ្មីៗនេះ​ បានធ្វើការបើកសម្ពោធលក់ជាផ្លូវការនូវប្រភេទរថយន្ត Sedan ម៉ូឌែល MG7 ដែលតម្លៃចាប់ ១៧៤០០ដុល្លារអាមេរិក នៅក្នុងប្រទេសចិន ជាមួយនឹងរូបរាងកាន់តែទំនើបមុន។​

បើយោងតាមការចុះផ្សាយរបស់សារព័ត៌មាន Car News China កាលពីពេលថ្មីៗនេះបានឱ្យដឹងថារថនយន្ត MG7 គឺមានទំហំប្រហាក់ហែលទៅនឹងរថយន្ត Toyota Camryដែរ ខណៈ MG7 ​មានកម្ពស់ ៤៨៨៩mm ទទឹង១៨៨៩mm​ និងគម្លាតកង់មុខ ទៅកង់ក្រោយមានគន្លាត ១៤៤៧mm ​។​ រថយន្តម៉ូឌែលនេះអាចជាន់ល្បឿនពី០ ទៅដល់១០០ដោយប្រើរយៈពេលត្រឹមតែ ៦.៥ វិនាទីប៉ុណ្ណោះ។

ទន្ទឹមនឹងនេះដែរលក្ខណៈពិសេសមួយទៀតរបស់ MG7 គឺមានចង្កៀងមុខរាងត្រីកោណ និងបំពង់ផ្សែងទាំងបួនរបស់វាបានបន្ថែមសម្រាស់រថយន្ត MG7 កាន់តែមានភាពស្ព័របន្ថែមទៀត ហើយលក្ខណៈពិសេសមួយទៀតនោះគឺ spoiler មានរូបរាងយ៉ាងទាក់ទាញ។​

គួរជម្រាបផងដែរថា MG7 ម៉ូដែល 1.5Gមានតម្លៃត្រឹមតែ ១៧,៤០០ ដុល្លារខណៈម៉ូដែល 2.0T  មានតម្លៃត្រឹម​ ២១៣០០ដុល្លារប៉ុណ្ណោះក្នុងប្រទេសចិន។ លើសពីនេះអតិថិជនរបស់ MG ចំនួន ១៥,០០០ នាក់ដំបូងនឹងទទួលបានការធានាពេញមួយជីវិតសម្រាប់សមាសធាតុស្នូល និងប្រាក់ឧបត្ថម្ភចំនួន ១,៤៥០ ដុល្លារបន្ថែមទៀត៕​