ថ្មីៗនេះ ក្រុមហ៊ុនផលិតរថយន្តកូនកាត់អង់គ្លេស-ចិន MG បានបង្ហាញនៅរថយន្តអគ្គិសនីបែបស្ព័រពិសេសម៉ូឌែល MG Cyberster “Red Top Edition” ជាមួយរូបរាងស្អាត ទំនើប នឹងការសាកថ្មមួយដង អាចធ្វើដំណើរបានជាង ៥០០ គីឡូម៉ែត្រ ខណៈរថយន្តនេះក្រុមហ៊ុនធ្វើការផលិតមិនច្រើនទេសម្រាប់ពិភពលោក។ នេះបើយោងតាមការចុះផ្សាយរបស់សារព័ត៌មាន Car News China កាលពីពេលកន្លងទៅនេះ។
MG បានប្រកាសចេញរថយន្ត Electric Sport Car ម៉ូដែល Cyberster ដំបូងនៅក្នុងព្រឹត្តិការណ៍ Guangzhou Auto Show នៅប្រទេសចិន ដែលមានតម្លៃចន្លោះពី ៤៥,១០០ ទៅ ៥០,៧០០ដុល្លារជាមួយជម្រើសចំនួនបីប្រភេទផ្សេងគ្នា នឹងត្រូវបានការរំពឹងថានឹងនាំចេញទៅលក់នៅលើពិភពលោកនៅខែមីនា ឆ្នាំ២០២៤ ខាងមុខនេះហើយ ខណៈចំនួនផលិិតមានត្រឹមតែ១០០គ្រឿងប៉ុណ្ណោះ។
MG Cyberster បានបំពាក់នូវម៉ូទ័រអគ្គិសនីខាងមុខមួយជាប្រភេទ permanent magnet synchronous motor ដែលផ្តល់នូវថាមពល ១៥០kW និងម៉ូទ័រអគ្គិសនីក្រោយដែលផ្តល់នូវថាមពល ២៥០kW ដែលសរុបកំលាំងម៉ូទ័រទាំងពីរបញ្ចូលគ្នាអាចផលិតថាមពលបាន ៤០០kW ដែលផ្តល់អនុភាពជាន់សន្ទុះល្បឿនពី ០ ទៅ ១០០km/h ចំនាយពេលខ្ទង់ ៣.២ វិនាទី។ សម្រាប់ម៉ូដែល High-Performance វិញ គឺបានបំពាក់នូវកញ្ចប់អាគុយ ៧៧kW និងសាកមួយពេញម្តងអាចបើកបរបានចំងាយផ្លូវ ៥២០km នេះបើតាមការបញ្ជាក់ពីស្ថាប័ន CLTC។
គួរជម្រាបផងដែរថា Cyberster Red Top Edition លាបពណ៌គុជខ្យង - ស ដែលមានដំបូលពណ៌ក្រហម កៅអីពីរដែលពីស្បែកប្រភេទ Nappa leather និងនៅផ្នែកកណ្តាលផលិតឡើងពីកា carbon fiber៕
