យោងតាមការចេញផ្សាយរបស់ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ចុះថ្ងៃទី០៧ ខែធ្នូ ឆ្នាំ២០២៣នេះបានឱ្យដឹងថាក្រុមហ៊ុន Meta បានដាក់ឱ្យដំណើរការ Meta AI ដែលអាចបង្កើតរូបភាពសិប្បនិម្មិត តាមការស្រមើស្រមៃបានដោយឥតគិតថ្លៃ។
ប៉ុន្តែបច្ចុប្បន្នសម្រាប់ប្រទេសកម្ពុជា គេហទំព័របង្កើតរូបសិប្បនិម្មិតនេះមិនទាន់អាចប្រើប្រាស់បានជាទូទៅនៅឡើយទេ ពោលអាចប្រើបានជាផ្លូវការនៅសហរដ្ឋអាមេរិកតែប៉ុណ្ណោះ។
អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំបានបញ្ជាក់ថា ដើម្បីអាចប្រើប្រាស់ Imagine with Meta AI នៅក្នុងប្រទេសកម្ពុជាខណៈពេលនេះបាន អ្នកប្រើប្រាស់អាចសាកល្បងនូវវិធីសាស្ត្រខាងក្រោម៖
១. ប្រើប្រាស់កម្មវិធី VPN ឬ ប្រើប្រាស់ Browse Brave, Chrome ... ដោយ install extensions VPN free ណាមួយដែលអ្នកទុកចិត្ត (អ្នកប្រើប្រាស់អាចសាកល្បងប្រើ" Browsec VPN - Free VPN for Chrome") រួចបើកដំណើរការ VPN ដើម្បីប្តូរ IP ទៅប្រទេសមួយចំនួនដូចជា United States ជាដើម
២. ចូលទៅកាន់គេហទំព័រ Meta IA https://imagine.meta.com
៣. ធ្វើការបង្កើតគណនីថ្មី ឬជាមួយគណនីហ្វេសប៊ុករបស់អ្នក
៤. វាយបញ្ចូលពាក្យ ឬឃ្លានៃក្តីស្រមៃរបស់អ្នក រួចចុច "Generate" លោកអ្នកនឹងទទួលបានរូបភាពសិប្បនិម្មិតតាមក្តីស្រមៃ និងអាចទាយយកមកប្រើប្រាស់បាន។
គួររំលឹកផងដែរថាបច្ចេកវិទ្យា Artificial intelligence (AI) នេះអាចផ្ដល់អត្ថប្រយោជន៍ដល់អ្នកប្រើប្រាស់ ប៉ុន្តែ ក៏ផ្ដល់ហានិភ័យជាច្រើនដល់បុគ្គល និងសង្គមទាំងមូលផងដែរ។ ហេតុដូចនេះ អ្នកប្រើប្រាស់ AI ទាំងអស់ត្រូវប្រើប្រាស់ ប្រកបដោយក្រមសីលធម៌ ការទទួលខុសត្រូវ និងមានការប្រុងប្រយ័ត្នខ្ពស់៕