រាជធានីភ្នំពេញ ថ្ងៃទី២១ ខែមិថុនា ឆ្នាំ២០២៥, ធនាគារ អ៊ឹមប៊ី (ខេមបូឌា)​ ម.ក​ បានចុះអនុស្សរណៈយោគយល់គ្នាជាមួយក្រុមហ៊ុន រ៉ូសម៉ាវែល ប្រផឹធី ឌីវេឡុបម៉ិន ឯ.ក  ក្នុងការផ្តល់ជូននូវដំណោះស្រាយហិរញ្ញវត្ថុសម្រាប់អតិថិជនដែលមានបំណងក្នុងការទិញគេហដ្ឋានថ្មីនៅក្នុងគម្រោង មានជ័យ រ៉េស៊ីដិនស៍ ។

ការចាប់ដៃគូសហការជាយុទ្ធសាស្រ្តនេះ​ បានធ្វើឡើងក្នុងគោលបំណងជួយសម្របសម្រួលក្នុងការក្លាយជាម្ចាស់លំនៅឋានរបស់អតិថិជនឲ្យកាន់តែងាយស្រួល និងប្រសើរជាងមុន តាមរយៈដំណោះស្រាយហិរញ្ញវត្ថុរបស់ធនាគារ អ៊ឹមប៊ី ខេមបូឌា រួមជាមួយការផ្តល់នូវប្រភេទលំនៅឋានដ៏ប្រណីតរបស់គម្រោង មានជ័យ រ៉េស៊ីដិនស៍។ អតិថិជននឹងទទួលបានជម្រើសហិរញ្ញវត្ថុកាន់តែសំបូរបែប ជាមួយអត្រាការប្រាក់ប្រកួតប្រជែង​ ថែមទាំងអាចទទួលបានកម្ចីរយៈពេលរហូតដល់ ៣០ឆ្នាំ និងការផ្តល់ជូនឥតបង់ប្រាក់ដើមសម្រាប់រយៈពេល ៣៦ខែ។

លោក Nguyen Anh Khanh នាយកប្រតិបត្តិនៃធនាគារ អ៊ឹមប៊ី ខេមបូឌា បានមានប្រសាសន៍ថា “ យើងមានភាពរីករាយជាខ្លាំងក្នុងធ្វើជាដៃគូសហការជាមួយគម្រោង មានជ័យ រ៉េស៊ីដិនស៍ ដើម្បីជួយសម្រួលដល់ការក្លាយជាម្ចាស់លំនៅឋានរបស់អតិថិជនឲ្យកាន់តែប្រសើរនិងងាយស្រួលជាងមុន។ កិច្ចសហប្រតិបត្តិការនេះ ពិតជានិង  ផ្តល់ជូននូវអត្ថប្រយោជន៍ជាខ្លាំងដល់អតិថិជនតាមរយៈដំណោះស្រាយហិរញ្ញវត្ថុប្រកបដោយទំនុកចិត្តរបស់យើង។”  

ភាពជាដៃគូសហការនេះ បានស្តែងចេញឲ្យឃើញពីការប្តេជ្ញារបស់ភាគីទាំងពីរក្នុងការផ្តល់ជូននូវដំណោះស្រាយដ៏សំបូរបែបដោយផ្តោតលើតម្រូវការរបស់អតិថិជនជាសំខាន់។ ការផ្តល់ជូននេះក៏បានកើតឡើងស្របពេលជាមួយនឹងការ​កើនឡើងនៃតម្រូវការលំនៅឋានប្រកបដោយស្តង់ដារគុណភាព និងតំបន់ដែលមានសក្ដានុពលខ្ពស់។

លោកជំទាវ លឹម លក្ម្សី អគ្គនាយិការង​នៃក្រុមហ៊ុន រ៉ូសម៉ាវែល ប្រផឹធី​ ឌីវេឡុបម៉ិន និងជាតំណាងគម្រោង មានជ័យ រ៉េស៊ីដិនស៍​ បានមានប្រសាសន៍ថា “កិច្ចសហការរវាងក្រុមហ៊ុនយើងទាំងពីរមានមូលដ្ឋានលើសេចក្ដីទុកចិត្ត និងការប្ដេជ្ញាចិត្តរួមគ្នាក្នុងចក្ខុវិស័យនៃការបង្កើតផលចំណេញសម្រាប់អតិថិជន​ និងបង្កើនវឌ្ឍនភាពនៅតំបន់ស្នូលនៃមហាវិថីសម្ដេច​ ហ៊ុន សែន។”

ធនាគារ អ៊ឹមប៊ី ខេមបូឌា និងក្រុមហ៊ុន រ៉ូសម៉ាវែល ប្រផឹធី ឌីវេឡុបម៉ិន បាននឹងកំពុងចូលរួមជាមួយប្រជាជនកម្ពុជាក្នុងការកសាងអនាគតឲ្យកាន់តែប្រសើរឡើង។