ភាសាអង់គ្លេសនិងភាសាចិន ពិតជាមានប្រយោជន៍ណាស់ សម្រាប់ការរស់នៅ ការធ្វើការងារនិងអាជីវកម្មនៅសម័យបច្ចេកវិទ្យានេះ។​ ដូច្នេះយើងកុំទុកពេលទំនេរចោល ស្តាយពេល យកពេលមករៀនភាសាថ្មីៗវិញ។ យ៉ាងណាមិញយើងសូមណែនាំ ៥កន្លែង សម្រាប់រៀនភាសាចិន-អង់គ្លេស មិនអស់លុយ​ មានតែទូរស័ព្ទមួយទៅណាក៏រៀនបាន៖

១. HelloChinese ៖ គឺជាApp លេខមួយសម្រាប់រៀនភាសាចិននៅតាមអនឡាញ។ App នេះអ្នកអាចរៀនភាសាចិនបានច្រើនទម្រង់ដូចជា រៀនអាន រៀនសរសេរ រៀននិយាយ រៀនពាក្យនិងរៀនវេយ្យករណ៍ជាដើម។

២. ChinesePod ៖ វេបសាយមួយនេះដែរ គឺល្អបំផុតសម្រាប់បងប្អូនដែលធ្លាប់ចេះចិនខ្លះៗហើយ ប៉ុន្តែចង់រៀនបន្ថែមទៀតនៅផ្ទះដោយខ្លួនឯងគឺអាចរៀនបាន ព្រោះវេបសាយនេះផ្តោតខ្លាំងទៅលើការស្តាប់ និងការសន្ទនាផងដែរ។

៣. Yoyo Chinese ៖ ចំពោះវេបសាយនេះ គឺមានមេរៀនវីដេអូដ៏ច្រើន សម្រាប់អ្នកចង់ចាប់ផ្តើមរៀនចិនជាលើកដំបូង និងអ្នកដែលចង់សិក្សាកម្រិតមធ្យមអាចរៀនតាមរយៈវេបសាយមួយនេះបានព្រោះមានបង្រៀនផ្តោតលើភាសាចិន និងការលើកដាក់សម្លេងផងដែរ។

៤. grammarly.com ៖ មិនខុសអ្វីពីវេបសាយខាងលើប៉ុន្មានទេ! វេបសាយ Grammarly មានសមត្ថភាពឆែកនូវរាល់កំហុងឆ្គង ក្នុងការប្រើពាក្យពេចន៍ជាភាសាអង់គ្លេសរបស់អ្នក មិនថាអត្ថបទប្រយោគ ឬអត្ថបទវែងៗនោះទេ។

៥. . quillbot.com ៖ នេះគឺជាវេបសាយមួយ ដែលមនុស្សជុំវិញពិភពលោកប្រើប្រាស់ សម្រាប់ការពិនិត្យវេយក្យករណ៍ភាសាអង់គ្លេស ដែលគេបានសរសេរ។ វេបសាយនេះមានសមត្ថភាព អាចឆែកនូវរាល់កំហុសឆ្គង លើឃ្លោងឃ្លាភាសាអង់គ្លេសដែលអ្នកបានសរសេរ។

ជាការពិតណាស់មិនថាភាសាណាទេ ទោះយើងរៀនមួយជីវិតក៏ចេះមិនអស់ដែរ។ ប៉ុន្តែយើងអាចពង្រឹងភាពខ្លាំងរបស់ខ្លួនឯងលើផ្នែកណាមួយ ដោយផ្តោតខ្លាំងឬមានចំណូលចិត្តខ្ពស់លើការរៀនវាបាន។ ឧទាហរណ៍ ពូកែផ្នែកពាក្យ ពូកែផ្នែកអំណាន ពូកែវេយ្យករណ៍ ពូកែស្ដាប់ ឬពូកែនិយាយជាដើម៕