កាលពីថ្មីៗកន្លងទៅនេះរថយន្តជប៉ុន Mazda ប្រចាំកម្ពុជា បានធ្វើការដាក់លក់រថយន្ត Mazda 2 បញ្ចុះតម្លៃពិសេសមិនធ្លាប់មានពីមុនមក ដោយពីមុនលក់ក្នុងតម្លៃ ២៥០០០ដុល្លារ ក្រោយមកចុះមកសល់ត្រឹមតែជាង ១ម៉ឺនដុល្លារតែប៉ុណ្ណោះ។ ប៉ុន្តែអ្វីដែលនឹកស្មានមិនដល់នោះបន្ទាប់ពីប្រកាសបញ្ចុះតម្លៃបានប៉ុន្មានថ្ងៃ ក្រុមហ៊ុនថាខ្លួនលក់អស់ពីស្តុកហើយ។

យោងតាមការចុះផ្សាយលើផេកផ្លូវការរបស់ Mazda Cambodia កាលពីពេលថ្មីៗនេះ បានឱ្យដឹងថា​ New Mazda2 តម្លៃប្រូម៉ូសិន បានអស់ពីស្តុកហើយ។ ដូច្នេះសម្រាប់ប្រិយមិត្ត​ដែលចាប់អារម្មណ៍អាចអញ្ជើញមកទស្សនារថយន្តម៉ូឌែលផ្សេងដែលកំពុងមានប្រូម៉ូសិនដូចជា The-new Mazda CX-5 2024 និង New Mazda CX-9 2024។ ឬរថយន្ត New Mazda2 ប្រភេទ SPORT EDITION ដែលមានក្នុងស្តុក។

ជាមួយគ្នានេះដែរក្រៅពីរថយន្តកំពុងប្រូម៉ូសិន New Mazda2 ក្រុមហ៊ុនក៏មានបញ្ចុះតម្លៃលើរថយន្ត The-new Mazda CX-5 និង New Mazda CX-9ផងដែរ។ ដោយរថយន្ត The-new Mazda CX-5 មានតម្លៃ ៤៧,០០០ ដុល្លារ ចុះមកសល់ត្រឹម ៣៩,៩០០ដុល្លារ និងរថយន្តរថយន្ត New Mazda CX-9 មានតម្លៃ ៥៨,០០០ដុល្លារ​ ចុះមកសល់ត្រឹម ៤៩,៩០០ ខណៈរថយន្តទាំងពីម៉ូដែលនេះក៏ជិតអស់ពីស្តុកផងដែរ។

សម្រាប់ព័ត៌មានលំអិតប្រិយមិត្តអាចធ្វើការទំនាក់ទងតាមរយៈផេកផ្លូវ Mazda Cambodia ឬតាមរយៈលេខទូរស័ព្ទ ៖ 095 999 699 / 095 999 599 / 095 999 858៕