ដីខូចកែមិនឡើង! អ្នកជំនាញណែនាំឱ្យដាំដំណាំវេទមន្ត១ប្រភេទនេះ អាចប្រែដីអន់ ទៅជាដីមានជីវជាតិវិញ
ធី ស្រីល័ក្ខMARCH 19 2023297 views

បញ្ហាដីខូចជាកង្វល់មួយសម្រាប់ប្រជាកសិករទូទៅ ព្រោះតែបញ្ហាដីខូចឬ ដីដែលបាត់បង់ជីវជាតិគឺពិបាកក្នុងការដាំដុះខ្លាំងមែនទែន ដោយហេតុថាដាំទៅមិនបានផល។ជាមួយបញ្ហាដីខូចនេះ អ្នកជំនាញបានណែលនាំឱ្យដាំដំណាំមួយប្រភេទគឺ ដើមក្ទម្ពទេស(ក្រៈទុំថេត) ដោយដំណាំមួយនេះនឹងជួយស្រោចស្រង់ដីដែលខូចឱ្យក្លាយជាដីមានជីវជាតិឡើងវិញ ជាពិសេសល្អបំផុតសម្រាប់ដីជូរ។

បើតាមកិច្ចសម្ភាសន៍ជាមួយ Business Cambodia លោក ជាន ចាន់ថុល ម្ចាស់ចំការកាកាវនៅខេត្តមណ្ឌលគិរី បានមានប្រសាសន៍យ៉ាងដូច្នោះថា “ដើមក្ទម្ពទេសល្អបំផុតសម្រាប់ដីជូរ ព្រោះវាជួយស្តាដីជូរឱ្យក្លាយទៅជាដីដែលមានជីវកម្ម ជួយឱ្យដីធូរ មានកម្រិត pH ល្អ ដែលជួយឱ្យដីល្អដាំដំណឹងទៅទទួលបានទិន្នផលខ្ពស់ជាងមុន”។លោកបញ្ជាក់ផងដែរថា ចំពោះបងប្អូនដែលមានដីធ្លាប់ដាំដំណាំច្រើនដង ប្រើប្រាស់ជីគីមីច្រើនពេក ធ្វើឱ្យដីខ្សោះ បាត់បង់គុណភាព អាចដាំដើមក្ទម្ពទេសនេះបាន ដោយអាចដាក់ដាំតាមព្រំដី ឬតាមចន្លោះដើមដំណាំជាដើម។

ជាក់ស្តែង តាមរយៈបទពិសោធន៍ដាំដើមក្ទម្ពទេស លើដីចំការកាកាវរួចមក លោកសង្កេតឃើញថា ដីចំការលោកមានភាពល្អប្រសើរជាងមុន ហើយផលដំណាំក៏ទទួលបានទិន្នផលខ្ពស់ផងដែរ។លើសពីនេះទៅទៀត ក្រៅពីជួយកែប្រែដីងាប់ឱ្យរស់ឡើងវិញហើយនោះ ដើមក្ទម្ពទេស ក៏ដើរតួនាទីយ៉ាងសំខាន់ក្នុងការជួយទប់ដើមកាកាវពីខ្យល់បក់ដែលនាំឱ្យដើមកាកាវដួលផងដែរ៕

570e610a 8ca1 43de 91f1 6dcf9e32ae5a

អត្ថបទដោយ៖សម្បត្តិ សុខឡាង

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia