ជាទូទៅ នាថ្ងៃចុងសប្តាហ៍ មនុស្សគ្រប់គ្នាតែងតែបបួលគ្នាដើរលេងកម្សាន្ត ដើម្បីកាត់បន្ថយស្ត្រេស រំសាយទុក្ខកង្វល់ពីការបំពេញការងារ និងការសិក្សាជាដើម។ ប៉ុន្តែ បញ្ហាដែលសំខាន់នោះ គឺតើគួរទៅកន្លែងណាដែលនៅជិតក្រុង?ហើយមិនពិបាកធ្វើដំណើរយូរ? និងមានបរិយាកាសបែបស្ងប់ស្ងាត់ មិនមានសឡេងរំខាន។

មែនទែនទៅបច្ចុប្បន្ននេះមនុស្សភាគច្រើន មិនសូវជាចូលចិត្តកន្លែងអ៊ូអរប៉ុន្មាននោះទេ ជាពិសេសគឺសឡេងរំខានផ្សេងៗ ដែលធ្វើឱ្យប៉ះពាល់អារម្មណ៍របស់ពួកគាត់ ប៉ុន្តែម្ចាស់ហាងមួយចំនួនមិនបានគិតលើចំណុចនេះទេ  ដូច្នេះហើយទើបធ្វើឱ្យហាងរបស់ខ្លួនមិនសូវមានភ្ញៀវចូល ។ ជាក់ស្ដែងបើក្រឡែកមកមើល ភោជនីយដ្ឋានលំហែរ៣៦ នេះវិញគឺជាកន្លែងដ៏សាកសមបំផុតសម្រាប់បងប្អូនដែលចូលចិត្តបរិយាកាសបែបធម្មជាតិហើយស្ងប់ស្ងាត់ ធានាបងប្អូនបានទៅម្ដងហើយច្បាស់ជាចង់ទៅម្ដងទៀត។

យោងតាមកិច្ចសម្ភាសន៍ជាមួយក្រុមការងារ Business​ Cambodia  លោក ឆាន វិទូ ជាម្ចាស់ភោជនីយដ្ឋានលំហែរ៣៦ បានលើកឡើងថា “មូលហេតុដែលធ្វើឱ្យភ្ញៀវចូលចិត្តមកលំហែរ៣៦ ម្ដងហើយម្ដងទៀតក៏ព្រោះតែប្រើស្នៀតយកបេះដូងអតិថិជនមកដាក់”។ តាមការបញ្ជាក់របស់លោក ឆាន វិទូ ស្នៀតដែលយកបេះដូងអតិថិជនមកដាក់គឺមាន៣ ចំណុចដែលប្រើស្នៀតនេះហើយធ្វើឲ្យភ្ញៀវចូលឥតដាច់ ហើយស្នៀតទាំងនោះរួមមាន៖

១. ការរៀបចំហាង

ទាក់ទងនិងការរៀចំហាងលោក វិទូ បានឱ្យដឹងថា បើទោះជាមានដីធំក៏ដោយ ប៉ុន្តែលោកមិនបានផ្ដោតលើបរិមាណកញ្ចុះជុះនោះទេ ខណៈកញ្ចុះនៅភោជនីយដ្ឋានគឺមានកម្លាតពីគ្នា៣ ម៉ែត្រ។ ហើយមូលហេតុដែលកញ្ចុះរបស់លោកមានកម្លាតឆ្ងាយពីគ្នាក៏ព្រោះតែលោកគិតថាភ្ញៀវដែលមកលេងកន្លែងរបស់លោកភាគច្រើនគឺមិនចូលចិត្តអ៊ូអរពេកនោះទេ ដោយចូលចិត្តលក្ខណៈបែបឯកជន។

២. ហាមមិនឲៗយករបស់ដែលអាចរំខានដល់ភ្ញៀវ

បើគ្រាប់តែរក្សាកម្លាតមិនគ្រប់គ្រាននោះទេ ចំពោះភោជនីយដ្ឋានលំហែរ៣៦ មិនតម្រូវឲៗយក Speaker ឬរបស់ដែលអាចរំខានដល់ភ្ញៀវ​ ចូលទៅភោជនីយដ្ឋាននោះទេ។ ព្រោះតែលំហែរ៣៦ គឺផ្ដោតទៅលើការមករំហែរអារម្មណ៍បើនិយាយឲៗយស្រួលស្ដាប់គឺមកកាត់ស្រ្តេស ដូច្នេះភ្ញៀវអាចស្ដាប់ភ្លេងកំដរអារម្មណ៍ដែលខាងភោជនីយដ្ឋានបានរៀបចំជួនដោយមានការប្រគុំតន្ត្រី live Music រៀងរាល់ល្ងាច សុក្រ សៅរ៏ អាទិត្យ ( 6pm ទៅ 10pm) ដើម្បីអោយភ្ញៀវគាត់រឹតតែសប្បាយអារម្មណ៏ បរិយាកាស ផងដែរ។ 

៣ សេវាកម្មនិងគុណភាព( មានកំណត់ភ្ញៀវច្បាស់លាស់និងតម្លៃ)

​ការរៀបចំហាង ក៏ដូចការហាមឃាត់ពិតជាសំខាន់ ប៉ុន្តែអ្វីដែលខ្វះមិនបានគឺសេវាកម្មនិងគុណភាពនេះឯង។ លោក ឆាន វិទូ បានឱ្យដឹងថា លោកគឺផ្ដោតលើសេវាកម្មនិងគុណភាពជាចម្បង។ ព្រោះថាប្រសិនបើព្យាយាមទម្លាក់តម្លៃខ្លាំងពេក គុណភាពនិងសេវាកម្មគឺមិនសូវល្អនោះទេ។ មួយវិញទៀតចំពោះបរិមាណភ្ញៀវដែលភោជនីយដ្ឋានលំហែរ៣៦ គឺមានចំនួនកំណត់ ប្រសិនបើភ្ញៀវមកលើខាងហាងនឹងសុំភ្ញៀវទៅពេលរសៀលវិញ។

សូមជម្រាបផងដែរថា ភោជនីយដ្ឋានលំហែរ៣៦ គឺ​ជា​ភោជនីយដ្ឋាន ដែល​មាន​ទីតាំង​ស្ថិត​នៅ ផ្លូវលំ ភូមិ អង្លង់ក្ងាន់ សង្កាត់ឃ្មួញ ខណ្ឌ័សែនសុខ រាជធានីភ្នំពេញ។ លំហែរ៣៦ មានទីធ្លាខាងក្រៅដ៏ធំទូលាយ ស្រស់ស្អាត តុបតែងលម្អដោយដើមឈើនានា និងទឹកបឹងល្វឹងល្វើយ។ ដោយមានលក់ម្ហូបបែបខ្មែរជាច្រើនមុខ និងភេសជ្ជៈផ្សេងៗជាដើម។ សរុបមកនៅទីនេះសាកសមបំផុតសម្រាប់ការជួបជុំជាក្រុម ជាមួយមិត្តភក្តិ ឬក្រុមគ្រួសារដោយសារទីធ្លាធំទូលាយល្អ បរិយាកាសក៏ល្អ។ សម្រាប់ព័ត៌មានបន្ថែមអាចទាក់ទាងតាមរយៈpage លំហែរ៣៦ ឬទាក់ទងតាមរយៈលេខទូរស័ព្ទ 0១០​ ៧៧៣ ៦៣៦៕

location៖ https://goo.gl/maps/Jtdmd9XQpqfth8XdA, Phnom Penh, Cambodia

អត្ថបទដោយ៖ ឌឿក ស្រី នុត