ជាដំណឹងដ៏ល្អនិងជាឱកាសមួយសម្រាប់សិស្សានុសិស្ស ដែលកំពុងសិក្សានៅសាលារដ្ឋនិងឯកជនទាំងអស់ ដែលត្រៀមប្រឡងសញ្ញាបត្រមធ្យមសិក្សាទុតិយភូមិថ្នាក់ទី១២ និងកំពុងត្រូវការរៀនគួរបំប៉នបន្ថែម សិស្សអាចសិក្សាតាមរយៈ App E-School ដោយឥតបង់ថ្លៃគ្រប់ពេលវេលា គ្រប់ទីកន្លែង។

ការសិក្សាតាមរយៈ App E-School នេះគឺជាកម្មវិធីអាហារូបករណ៍មួយដែលផ្តល់ដោយក្រសួងអប់រំ យុវជននិងកីឡា សម្រាប់សិស្សានុសិស្សាគ្រឹះសិក្សារដ្ឋ និងឯកជនបំពាក់បំប៉នដើម្បីរៀនដោយខ្លួនឯង មិនគិតការបង់ថ្លៃជាប្រចាំនោះឡើយ។

ក្នុងនោះការសិក្សានឹងមានកម្មវិធីរៀនត្រៀមប្រឡង ដូចជាការរៀនគួរបន្ថែមដោយខ្លួនឯង​ ព្រមទាំងមានបូកបញ្ចូលថ្នាក់ភាសាអង់គ្លេស ភាសាចិន ភាសាជប៉ុន ថ្នាក់កុំព្យូទ័រ និងថ្នាក់កុំព្យូទ័ររដ្ឋបាលផងដែរ។

ដើម្បីអាចប្រើប្រាស់អាហារូបករណ៍នេះបានសិស្សត្រូវចូលកាន់អេប App E-School ឬចូលកាន់​ QR កូដរួចវាយបញ្ចូលលេខគូប៉ុង (es04) សម្រាប់ចូលរួមរៀន នោះជាការស្រេច៕

អត្ថបទដោយ៖ ពីង ជូអេង