សូចនាករសមិទ្ធកម្មគន្លឹះ ឬ KPI គឺពិតជាសំខាន់ខ្លាំងណាស់ចំពោះការធ្វើអាជីវកម្ម ការងារ និងក្នុងជីវិត។ ជាការពិតណាស់ Key Performance Indicator (KPI) វាជាវិធីសាស្ត្រក្នុងការអនុវត្តផែនការយុទ្ធសាស្ត្រឱ្យមានប្រសិទ្ធភាពតាមរយៈការជំរុញសកម្មភាពបុគ្គលិក និងក្រុមការងារទាំងមូលឱ្យដូចគោលដៅដែលបានកំណត់ទុក ដើម្បីធានាផលិតភាពបុគ្គលិក និងជួយបង្កើននូវប្រាក់ចំណេញ។

ចំពោះទម្រង់នៃការរៀបចំ KPI គឺវាមានភាពបត់បែន និងប្រើទៅលើផ្នែកផ្សេងៗគ្នាជាច្រើនដូចជា ការគ្រប់គ្រងធនធានមនុស្ស ការធ្វើទីផ្សារ ការលក់ ហិរញ្ញវត្ថុ ការសម្រេចគោលដៅ និងផ្នែកផ្សេងៗមួយចំនួនទៀត។

ការរៀបចំ KPI ដែលល្អត្រូវផ្សារភ្ជាប់ជាមួយនឹងធាតុសំខាន់ៗ៣យ៉ាងរួមមាន៖ ស្របនឹងគោលដៅផ្ទាល់ខ្លួន  កំណត់គោលដៅច្បាស់លាស់ និងមានផែនការយុទ្ធសាស្ត្រអនុវត្តឱ្យបានច្បាស់លាស់ផងដែរ។  

ទាក់ទិននឹងជំហានធំៗនៃការធ្វើ KPI ដែលល្អ គឺគួរតែឆ្លងកាត់ចំណុចធំៗចំនួន១២យ៉ាងរួមមាន៖

១. ការកំណត់ឈ្មោះ KPI ឱ្យបានច្បាស់លាស់

២. តម្រឹម KPI ជាមួយនឹងគោលដៅយុទ្ធសាស្ត្រ

៣. កំណត់តម្លៃបច្ចុប្បន្ន បន្ទាត់មូលដ្ឋាន និងគោលដៅ

៤. កំណត់ជំហាននៃការប្រមូលទិន្នន័យ

៥. ស្វែងរកសូចនាករនាំមុខ និងយឺតយ៉ាវ

៦. កំណត់ទម្ងន់ KPI ធៀបនឹង KPI ដទៃ

៧. អាចធ្វើការអាប់ដែតបានជាញឹកញាប់

៨. កំណត់កាលបរិច្ឆេតឱ្យបានញឹកញាប់

៩. គណនាតម្លៃនៃការចំណាយទៅលើការតាមដាន KPI

១០. កំណត់សិទ្ធិ និងតួនាទី

១១. ប្រកាសឱ្យដឹងពីសេណារីយ៉ូ KPI ផ្សេងទៀតដែលប្រើក្នុងករណីចាំបាច់

១២. វិភាគអាកប្បកិរិយារំពឹងទុកធៀបនឹងការពិត។

ចង់អានសៀវភៅដឹកនាំល្បីៗ រៀនគំនិតរកស៊ីល្អៗ សូមចុចទីនេះ ( https://t.me/LongVathanakOfficial )