បច្ចុប្បន្ននេះទូរស័ព្ទដៃរបស់ Apple ដែលបានចេញចុងក្រោយបង្អស់គឺត្រកូលស៊េរី 16 ដែលស៊េរីថ្មីទំនើបបន្ទាប់ គឺ iPhone17 ដែល Apple គ្រោងនឹងចេញនៅកំឡុងខែកញ្ញា ឆ្នាំ២០២៥នេះ។

យ៉ាងណាមិញបើយោងតាមការចុះផ្សាយរបស់ The Sun បានឱ្យដឹងថាឥឡូវនេះ ចាប់ពីស៊េរី  iPhone16 និងស៊េរីក្រោយៗទៅ Apple នឹងលុបមុខងារបុរាណទាំង៤នេះ លែងមាននៅលើ iPhone ម៉ូឌែលថ្មីៗទៀតហើយ៖

១. មុខងារ Home button ៖ ប៊ូតុងដែលរួមបញ្ចូល Touch ID គឺជាសញ្ញាសម្គាល់របស់ទូរស័ព្ទ iPhone ចាស់ៗ។ មុខងារនេះត្រូវបានដកចេញពីត្រកូល iPhone ម៉ូឌែលចុងក្រោយដែលត្រូវមានគឺត្រឹម iPhone SE ប៉ុណ្ណោះ។

២. មុខងារ Touch ID៖ ឧបករណ៍ចាប់ស្នាមម្រាមដៃដែលរួមបញ្ចូលជាមួយប៊ូតុង Home ក៏នឹងលែងមាននៅលើ iPhones បច្ចុប្បន្នទៀតដែរ ដោយឥឡូវនេះ iPhone ពឹងផ្អែកលើ Face ID សម្រាប់ការផ្ទៀងផ្ទាត់ការបើកសោរទូរស័ព្ទ។

៣. មុខងារ Lightning Port៖ រន្ធសាកថ្ម Lightning ដែលជាស៊េរីចាស់នឹង ត្រូវបានជំនួសដោយរន្ធសាកថ្មជា USB-C វិញចាប់ពី iPhone 15 និងម៉ូដែលបន្តបន្ទាប់ទៀត ដោយស្របតាមស្តង់ដារឧស្សាហកម្មថ្មី។​

៤. មុខងារ Mute Switch៖ ប៊ូតុងបិទបើកដែលប្រើដើម្បីបិទបើករហ័សរវាងមុខងាររោទ៍ និងបិទសំឡេងឱ្យស្ងាត់ ត្រូវបានជំនួសដោយប៊ូតុង Action វិញនៅលើម៉ូដែល Pro ហើយមុខងារ Mute Switch នឹងលែងមាននៅលើ iPhone ចាប់ពីម៉ូឌែល iPhone16e ឡើងទៅ។  

សូមជម្រាបថាបច្ចុប្បន្ននេះទូរស័ព្ទដៃដែល Apple ទើបបានប្រកាសដាក់ជារបស់ហួសសម័យនិងចូលនិវត្តន៍រួមមាន  iPhone 8 Plus, iPhone X, iPhone XS និង iPhone XS Max ខណៈទូរស័ព្ទស៊េរីទាំងនេះរបស់ Apple នឹងលែងមានសេវាកម្មជួសជុលគ្រឿង ឬទទួលបានការអាប់ដេតប្រព័ន្ធ iOS ថ្មីៗទៀតឡើយ៕​

អត្ថបទដោយ៖ ពីង ជូអេង​