លោក Keisuke Honda អ្នកចាត់ការទូទៅនៃក្រុមជម្រើសជាតិកម្ពុជា និងជាកីឡាករបាល់ទាត់ដ៏ឆ្នើមរបស់ជប៉ុន មុនមកដឹកនាំក្រុមជម្រើសជាតិរបស់កម្ពុជា។ ក្នុងនោះដែរនាព្រឹត្រ្តិការណ៍បាល់ទាត់ប្រចាំតំបន់អាស៊ានឆ្នាំ២០២២ គ្រូបង្វឹកវ័យ៣៦ឆ្នាំ រូបនេះបានផ្តាំផ្ញើសារចុងក្រោយដ៏មានន័យជូនកីឡាករឈុតធំរបស់ខ្លួនក្រោយបង្ហើបថាលោកទំនងជាបញ្ចប់តួនាទីជាអ្នកចាត់ការនៅក្នុងក្រុមរបស់ខ្លួន។
យោងតាមវីដេអូនៅលើគេហទំព័ផ្លូវការ សហព័ន្ធកីឡាបាល់ទាត់កម្ពុជា បានឱ្យដឹងថាលោក Honda និយាយជូនពរផ្តាំផ្ញើ យ៉ាងចាក់ដោតដល់កីឡាករកម្ពុជាថា៖
“ខ្ញុំសុំឱ្យយើងចែករំលែកបទពិសោធន៍ដែលមាននៅក្នុងក្រុមជម្រើសជាតិទៅកាន់យុវជនដែលជាកីឡាករក្មេងៗជំនាន់ក្រោយ ហើយមិនចាំបាច់ទាល់តែយើងចប់អាជីពជាកីឡាករនោះទេ យើងអាចចែករំលែក ចំណេះដឹងរបស់យើងទៅកាន់ក្មេងៗជំនាន់ក្រោយឥឡូវនេះ ខ្ញុំពិតជារីករាយហើយមិនចាំបាច់អរគុណខ្ញុំទេ ខ្ញុំពិតជាសប្បាយចិត្តនៅពេល ឃើញកីឡាកររបស់យើងអាចចែករំលែកគំនិតនិងបទពិសោធន៍គ្នាទៅវិញទៅមក ហើយខ្ញុំសង្ឃឹមថាកម្ពុជាអាចចូលលេងនៅ World Cup បានមុននឹងខ្ញុំស្លាប់”។
គួរជម្រាបផងដែរថាក្រៅពីអាជីពបាល់ទាត់ លោកគឺជាគ្រូបង្វឹក ជាសហគ្រិននិងជាអ្នកវិនិយោគមួយរូបផងដែរហើយ បច្ចុប្បន្នលោកមានការងារចំនួន៤ រួមទាំងស្ថាបនិក និងCEO នៅ Now Do សហស្ថាបនិក Dreamers VC និង Head Brand Ambassador នៅ Agribuddy នេះបើយោងតាមវេបសាយ Crunchbase បានចុះផ្សាយ៕
អត្ថបទដោយ៖ ពីង ជូអេង
