ខ្សែភាពយន្តរឿងផ្សងព្រេងបែបវិទ្យាសាស្ត្រ AVATAR គឺជាកំពូលរឿងដែលមានប្រជាប្រិយបំផុតមួយ ដែលបានចាក់បញ្ចាំងលើកដំបូងក្នុងឆ្នាំ២០០៩ និងបំបែកកំណត់ត្រា រកចំណូលបានច្រើនជាងបំផុតលើពិភពលោក អស់រយៈពេលជិត១ទសវត្សរ៍។
ចាក់បញ្ចាំងត្រឹម ៥ថ្ងៃប៉ុណ្ណោះ ក្នុងឆ្នាំ២០០៩ AVATAR អាចរកចំណូលបាន២៤១.៦លានដុល្លារនៅជុំវិញពិភពលោក និងមកទល់ពេលនេះ ខ្សែភាពយន្តដ៏មានប្រជាប្រិយភាពនេះអាចរកចំណូលសរុបជាង ២៨៤៧ពាន់លានដុល្លារ ឈរនៅលំដាប់លេខរៀងទី១ នាំមុខរឿង Avengers: Endgame រកចំណូលសរុបបានជាង ២៧៩៧ពាន់លានដុល្លារ ស្ថិតនៅលំដាប់លេខរៀងទី២។
ស្នាដៃក្នុងការដឹកនាំរឿង AVATAR ឱ្យល្បីល្បាញ ត្រូវបានគេទទួលស្គាល់ហើយ ប៉ុន្តែប្រហែលជាគេមិនទាន់ស្គាល់ច្បាស់នៅឡើយអំពីលោក James Cameron ដែលជាអ្នកដឹកនាំដែលមានសមត្ថភាព ទេពកោសល្យខ្ពស់ក្នុងការដឹកនាំរឿង។
លោក James Cameron កើតនៅ ថ្ងៃទី ១៦ ខែសីហា ឆ្នាំ ១៩៥៤
គឺជាអ្នកផលិតខ្សែភាពយន្តជនជាតិកាណាដា។ លោកត្រូវបានគេស្គាល់ថាជាផលិតករល្អបំផុត សម្រាប់ការផលិតរឿងប្រឌិតបែបវិទ្យាសាស្ត្រ និងខ្សែភាពយន្តវីរភាព ដោយធ្លាប់ត្រូវបានគេទទួលស្គាល់ជាលើកដំបូងសម្រាប់ការដឹកនាំរឿង The Terminator ។
ស្ថិតក្នុងវ័យ៦៨ឆ្នាំ លោកត្រូវបានគេដឹងថាធ្លាប់ឆ្លងកាត់នូវរឿងជាច្រើន មុនពេលដែលលោកមានថ្ងៃនេះ។ ខាងក្រោមនេះគឺជារឿងគួរឱ្យចាប់អារម្មណ៍អំពីលោក៖
១. លោកធ្លាប់បោះបង់ការសិក្សា
James Cameron បានបោះបង់ការសិក្សានៅវិទ្យាល័យក្នុងឆ្នាំ១៩៧៣ ។
គាត់បានចាកចេញពីសាលា ហើយរៀបការជាមួយនារីបម្រើម្នាក់ ហើយចំណង់ចំណូលចិត្តរបស់លោក គឺលោកចាប់អារម្មណ៍ខ្លាំងចំពោះរឿងប្រឌិតបែបវិទ្យាសាស្ត្រតាំងពីកុមារភាព ព្រមទាំងមានបំណងប្រាថ្នាចង់ក្លាយជាអ្នកផលិតភាពយន្ត បន្ទាប់ពីគាត់បានឃើញសង្គ្រាមផ្កាយក្នុងឆ្នាំ ១៩៧៧។
២. ស្គ្រីបរយៈពេល១០ នាទី ធ្វើឱ្យគាត់មានការងារធ្វើ
James Cameron បានបង្កើតខ្សែភាពយន្តមួយដែលមានឈ្មោះថា គំនិតត្រឹមរយៈពេល១០នាទីនេះគាត់ទទួលបានវា បន្ទាប់ពីបានអានសៀវភៅមួយក្បាលដែលមានឈ្មោះថា “screenplay by Syd Field”។ គាត់បានស្រមៃពីលទ្ធភាពនៃការរួមបញ្ចូលវិទ្យាសាស្ត្រ និងសិល្បៈ ហើយបានបង្កើតស្គ្រីបរឿងរយៈពេល១០ នាទីក្នុងឆ្នាំ១៩៧៨ ហើយស្គ្រីបខ្លីនេះនេះបានជួយគាត់ឱ្យទទួលបានការងារធ្វើ រហូតអាចរីកចម្រើនមកទល់នឹងពេលបច្ចុប្បន្ន។
៣. អាជីពលោកចាប់ផ្ដើមរីកចម្រើនខ្លាំងជាមួយនឹង ខ្សែភាពយន្ត Titanic
ខ្សែភាពយន្ត Titanic គឺជារឿងមិនគួរឱ្យជឿដែលបង្ហាញពីសោកនាដកម្ម ដ៏គួរឱ្យរន្ធត់បំផុតរបស់អាមេរិកនៅក្នុងរឿងស្នេហាមួយ។ ក្រៅពីការយកចិត្តទុកដាក់ស្វែងយល់ទៅលើព័ត៌មានលម្អិត អំពីការលិចកប៉ាល់ RMS Titanic ដែលបានឆក់យកជីវិតមនុស្ស១៥០៤ នាក់។ ភាពយន្តនេះចំណាយអស់ជាង២០០ លានដុល្លារក្នុងការផលិត ជាខ្សែភាពយន្តមួយក្នុងប្រវត្តិសាស្ត្រ ដែលចំណាយទុនច្រើនបំផុត ហើយវាវាជាភាពយន្តដំបូងដែលរកចំណូលបានយ៉ាងច្រើនផងដែរ។ ខ្សែភាពយន្តនេះបានឈ្នះពានរង្វាន់ចំនួន១១ ពីការតែងតាំងពានរង្វាន់បណ្ឌិតសភាចំនួន ១៤។
ក្រោយមក ស្នាដៃដឹកនាំរឿង AVATAR បានធ្វើឱ្យទទួលស្គាល់ស្នាដៃលោកកាន់តែខ្លាំង រហូតមកទល់នឹងពេលបច្ចុប្បន្នផងដែរ។ អ្នកដឹកនាំរឿងរូបនេះ ត្រូវបានគេប៉ាន់ស្មានថា មានទ្រព្យសម្បត្តិប្រមាណ ៧០០លានដុល្លារអាមេរិក គិតត្រឹមឆ្នាំ២០២២នេះ៕
