អ្នកវិនិយោគមកពីចិន បង្ហាញចេតនាចង់វិនិយោគដាំដុះរុក្ខជាតិនៅកម្ពុជាធ្វើជាឱសថបុរាណ ដើម្បីនាំចេញ
ធី ស្រីល័ក្ខDECEMBER 6 2023192 views

កាលពីម្សិលមិញនេះ ឯកឧត្តម ឌិត ទីណា រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានទទួលជួបសម្តែងការគួរសម និងពិភាក្សាការងារជាមួយ គណៈប្រតិភូសេដ្ឋកិច្ច និងពាណិជ្ជកម្មនៃក្រុមប្រឹក្សាជំរុញពាណិជ្ជកម្មខេត្តជីលីនប្រទេសចិន នៅទីស្តីការក្រសួងកសិកម្ម រុក្ខាប្រមាញ់ និងនេសាទ។  

នៅក្នុងជំនួបនេះ វិនិយោគិនចិនបានបង្ហាញចេតនាចង់វិនិយោគលើការដាំដុះរុក្ខជាតិមួយចំនួនសម្រាប់យកទៅផលិតជាឱសថបុរាណ ក៏ដូចជាការនាំចេញនូវសត្វមួយចំនួនដែលអាចផលិតជាឱស សម្រាប់នាំចេញទៅកាន់ទីផ្សារប្រទេសចិន។ 

ចំពោះបំណងដាំរុក្ខជាតិសម្រាប់យកទៅផលិតជាឱសថបុរាណ ឯកឧត្តមរដ្ឋមន្ដ្រីបានគូសបញ្ជាក់ថា ក្រសួងមិនជំទាស់ទេ។ ប៉ុន្តែ ​ប្រសិនបើរុក្ខជាតិនោះ មានផ្ទុកនូវសារធាតុញៀន ឬអាចយកទៅធ្វើជាធាតុផ្សំសម្រាប់​ផលិត​សារធាតុញៀន ក្រសួងមិន​អនុញ្ញាត​ឱ្យ​ដាំដុះឡើយ​។

1

ចំណែក​សត្វ​មួយ​ចំនួន​ដែល​អ្នក​វិនិយោគ​ចិន​មាន​បំណង​ចង់​នាំ​ចេញសម្រាប់​យក​ទៅ​ផលិត​ជា​ឱសថ ឯកឧត្តម​រដ្ឋមន្ដ្រី​ពន្យល់​ថា ការ​នាំ​ចេញ​ត្រូវ​ពិនិត្យ​មើល​ឱ្យ​បាន​ច្បាស់​លាស់ ទាំង​ផ្នែក​ច្បាប់ និងបញ្ហា​​សុខភាព ខណៈ​សត្វ​មួយ​ចំនួន​នៅ​កម្ពុជា​ គឺជា​សត្វ​កម្រ និង​ស្ថិត​នៅ​ក្នុង​ឧបសម្ព័ន្ធ​នៃអនុសញ្ញាស្ដីពីពាណិជ្ជកម្មអន្តរជាតិលើប្រភេទសត្វ និងរុក្ខជាតិព្រៃដែលកំពុងរងគ្រោះថ្នាក់ ហៅកាត់ថា សាយតេស៕

ឯកឧត្តមរដ្ឋមន្ដ្រី​បាន​ថ្លែង​ប្រាប់​វិនិយោគិន​ចិន​ថា ចំណែក​សត្វ​មួយ​ចំនួន​ដែល​អ្នក​វិនិយោគ​ចិន​មាន​បំណង​ចង់​នាំ​ចេញសម្រាប់​យក​ទៅ​ផលិត​ជា​ឱសថ ឯកឧត្តម​រដ្ឋមន្ដ្រី​ពន្យល់​ថា ការ​នាំ​ចេញ​ត្រូវ​ពិនិត្យ​មើល​ឱ្យ​បាន​ច្បាស់​លាស់ ទាំង​ផ្នែក​ច្បាប់ និងបញ្ហា​​សុខភាព ខណៈ​សត្វ​មួយ​ចំនួន​នៅ​កម្ពុជា​ គឺជា​សត្វ​កម្រ និង​ស្ថិត​នៅ​ក្នុង​ឧបសម្ព័ន្ធ​នៃអនុសញ្ញាស្ដីពីពាណិជ្ជកម្មអន្តរជាតិលើប្រភេទសត្វ និងរុក្ខជាតិព្រៃដែលកំពុងរងគ្រោះថ្នាក់ ហៅកាត់ថា សាយតេស៕

2

អត្ថបទ៖ ធី ស្រីល័ក្ខ

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2025 Baksey Media. All Rights Reserved.
Developed by: Technology Cambodia