សម័យនេះលុយចំនួន១០០ដុល្លារ បើចាយតែបន្តិចគឺអស់បាត់ទៅហើយ ប៉ុន្តែបើយកមកវិនិយោគ លុយ១០០ដុល្លារអាចកើនដល់១លានដុល្លារក៏ថាបាន។ មហាសេដ្ឋីដែលបង្កើតទ្រព្យសម្បត្តិដោយដៃខ្លួនឯងចំនួន៣រូប បានចែករំលែកគំនិតនិងបទពិសោធន៍អំពីរបៀបជប់លុយ១០០ទៅជា១លានដុល្លារ តាមច្រកទាំង៤ដើម្បីការចាយលុយ១០០ដុល្លារ ឱ្យមានប្រសិទ្ធិភាព។
១.វិនិយោគលើការស្រឡាញ់
ដូចពាក្យគេថាឥទ្ធិពលនៃសេចក្តីស្រឡាញ់ នៅពេលដែលយើងស្រឡាញ់អ្វីមួយពិតប្រាកដ យើងប្រាកដជាធ្វើវាដោយដាក់ចិត្តដាក់កាយនិងបេះដូង ដូច្នេះលទ្ធផលនឹងធំទៅតាមទំហំបេះដូងរបស់អ្នកដែរ។ ជាដំបូងយើងត្រូវស្វែងរកអ្វីដែលយើងស្រឡាញ់ និងអាចទុកចិត្តបាន ហើយប្រើលុយ១០០ដុល្លារដែលមាន ទៅវិនិយោគលើអ្វីដែលយល់ច្បាស់លាស់ និងមានជំនាញខ្លាំងបំផុត។ ក្នុងនោះសេដ្ឋីនិ Bethenny Frankel ស្ថាបនិកក្រុមហ៊ុន Skinnygirl បាននិយាយថា “ខ្ញុំជឿជាក់យ៉ាងខ្លាំងថា ប្រសិនបើអ្នកធ្វើអ្វីមួយដោយ ក្តីស្រឡាញ់នោះ អ្នកនឹងពូកែជាមួយនឹងវាខ្លាំងបំផុត”។
២. រៀនជំនាញទីផ្សារខ្ពស់
ប្រសិនបើអ្នកមិនមានលុយចាប់ផ្តើមអាជីវកម្មនោះទេ កុំចាប់ផ្តើមអីតែអ្នកនៅតែអាចចាប់ផ្តើមបានដោយប្រើលុយ១០០ដុល្លារ ទៅលើសៀវភៅ វាហ្វឹកហ្វឺតជំនាញដែលអាចនាំអ្នកទៅរកចំណូល១ម៉ឺនដុល្លារឬលើសពីនេះទៅតាមសមត្ថភាពរបស់អ្នក។ ជំនាញទាំងនោះមានដូចជា សរសេរអត្ថបទ, ជំនាញទីផ្សារនិងលក់ ឬជំនាញដែលទីផ្សារកំពុងត្រូវការខ្លាំងជាដើម ហើយត្រូវរៀនឱ្យបានលឿននិងរហ័សតាមដែលអាចធ្វើបាន។ នៅពេលដែលរៀនចេះហើយ មានលុយសមល្មមហើយ អ្នកអាចចាប់ផ្តើមធ្វើនិងផ្តោតលើជំនាញនោះមួយទំហឹង រហូតដល់អាចបង្កើតអាជីវកម្មមួយដែលរឹងមាំបាន។ មហាសេដ្ឋី Dan Lok បាននិយាយថា “អ្នកនឹងទៅទីនោះបានប្រសិនបើអ្នកតស៊ូ និងពូកែក្នុងអ្វីដែលអ្នកកំពុងធ្វើ ប៉ុន្តែវានឹងមិនកើតឡើងត្រឹមតែមួយយប់នោះទេ ដូច្នេះចូរធ្វើវាដោយជំហានកូនក្មេង" ។
៣. សរសេរសៀវភៅអេឡិចត្រូនិច
ក្រៅពីការសសេរសៀវភៅបោះពុម្ពផ្សាយធម្មតា អ្នកអាចប្រើចំណេះដឹងជាធនធានក្នុងការសរសេរសៀសៀវភៅអេឡិចត្រូនិចបាន ដោយមិនចាំបាច់ត្រូវចំណាយច្រើនលើការបោះពុម្ពជាច្រើន ដើម្បីលក់។ អ្នកគ្រាន់តែចំណាយ១០០ ដុល្លារលើអ្នករចនាក្រាហ្វ្រិកឌីហ្សាញ និងបង្ហោះវាលក់លើវេបសាយណាល្បីណាមួយ ដែលនេះជាចំណូលអកម្មនិងយូអង្វែងបំផុត ប្រសិនបើអ្នកសរសេរបានល្អ និងត្រូវបញ្ហាមនុស្សគ្រប់ជំនាន់។ នេះបើយោងតាមបទពិសោធន៍និងការលើកឡើងរបស់លោក -Bryce Welker CEO Crush Empire ដែលលោកអាចរកបាន១ម៉ឺនដុល្លារ ពីការលក់សៀវភៅដំបូងៗដោយចំណាយត្រឹម១០០ដុល្លារជួលអ្នកឌីហ្សាញប៉ុណ្ណោះ។
៤.បើកថ្នាក់អាជីវកម្មជាគ្រូបង្វឹក
ជំនាញមួយនេះមានភាពល្បីល្បាញជាខ្លាំង ព្រោះវាជាជំនាញមួយដែលលឿន មានប្រសិទ្ធិភាព និងចំណាយតិចតួចបំផុត ព្រោះពេលវេលាជាអ្នកដើរតួជំនួសឱ្យអ្នកព្រោះយើងត្រូវចាយពេលច្រើនជាមួយធអតិថិជន ។ នៅពេលដែលអ្នកប្រឹក្សាអាជីវកម្មឱ្យអតិថិជនអ្នកជោគជ័យហើយ អ្នកអាចប្រើលុយចំណេញដើម្បីផ្សព្វផ្សាយស្វែងរកអតិថិជនគោលដៅផ្សេងទៀត។ នៅពេលដែលអ្នកបានវិនិយោគ ១០០ដុល្លារដែលអ្នកមានទៅរៀនក្នុងការអភិវឌ្ឍជំនាញបង្វឹក ការប្រឹក្សា ឬការណែនាំអាជីវកម្ម ហើយនេះជាគន្លឹះជោគជ័យរបស់មហាសេដ្ឋីជាច្រើនធ្លាប់ធ្វើ។
សរុបមកវិញសូមជម្រាបផងដែរមិនថា ការចំណាយលុយឬធ្វើអ្វីនោះទេ ក្នុងដំណើរជីវិតរបស់មនុស្សយើងម្នាក់ៗ គឺអ្វីដែលត្រូវការបំផុតគឺចេះអំណត់ជាមួយពេលវេលា ការតស៊ូ ហ៊ានសាកល្បង ចេះរង់ចាំនិងធ្វើការដោយឆ្លាតវៃ នោះរឿងអ្វីក៏អាចទៅរួចដែរឱ្យតែអ្នកមិនបោះបង់ ដូចជាប្រធានបទមហាសេដ្ខីប្រាប់ដានជើងជោគជ័យ ប្រើលុយ១០០ដុល្លារកើតកូនដល់១លានដុល្លារនេះ ជាឧទាហរណ៍ស្រាប់។ មិនខុសអ្វីពីសុភាសិតខ្មែរពោលថា “តក់ៗពេញបំពង់ ឆុងៗកន្លះក្រហត” នោះទេ ៕
អត្ថបទដោយ៖ ពីង ជូអេង
