បន្ទាប់ពីការប្រកាសតំឡើងពន្ធលើទំនិញនាំចូលពីប្រទេសនានាជុំវិញពិភពលោក ទៅកាន់សហរដ្ឋអាមេរិក របស់ប្រធានាធិបតី Donald Trump នៅថ្ងៃទី០២ ខែ មេសា ឆ្នាំ២០២៥ (ម៉ោងនៅសហរដ្ឋអាមេរិក) ក្នុងនោះក៏មានទំនិញដែលមិនជាប់ពន្ធនេះដែរ។
យោងតាមទីភ្នាក់ងារសារព័ត៌មាន CNBC បានឱ្យដឹងថា ទំនិញទាំងពីរប្រភេទដែលនឹងមិនស្ថិតនៅក្រោមពន្ធគយដែលបានប្រកាសនៅថ្ងៃនេះ រួមមាន ផលិតផលឱសថ និងផលិតផលរ៉ែដែលមិនមាននៅសហរដ្ឋអាមេរិក។
ក្នុងនោះផលិតផលដែលមិនមាននៅសហរដ្ឋអាមេរិក ដូចជាទង់ដែង សារធាតុ semiconductors ឈើ ដុំមាស ថាមពល និងសារធាតុរ៉ែមួយចំនួន។
យ៉ាងណាមិញទោះបីជាផលិតផលខាងលើនេះមិនជាប់ពន្ធដែលប្រកាសថ្ងៃទី០២ ខែមេសា ឆ្នាំ២០២៥ ក្តីប៉ុន្តែគ្មាននរណាអះអាងបានទេថា លោក Donald Trump នឹងមានផែនការជាក់លាក់ ក្នុងការដាក់ពន្ធចំពោះឱសថនិងផលិតផលដែលពុំមាននៅអាមេរិក ក្នុងពេលឆាប់ៗនេះឬយ៉ាងណា៕
អត្ថបទដោយ៖ ពីង ជូអេង
