ទីផ្សារមាសអាចនឹងមានការប្រែប្រួលក្រោយពីលោក Donald Trump ឡើងកាន់តំណែងជាប្រធានាធិបតីទី៤៧ជាលើកទី២។ ហើយបើយោងតាមការចុះផ្សាយរបស់ Bangkok Post បានឲ្យដឹងថាទីផ្សារមាសត្រូវបានគេរំពឹងថានឹងឡើងចំនួន៦% ក្នុងរយៈពេល៣ខែបន្ទាប់ពីលោកត្រាំឡើងកាន់តំណែងជាប្រធានាធិបតី។
ប្រភពដដែលបានឲ្យដឹងថាក្រុមហ៊ុន Hua Seng Heng Gold Futures ដែលជាក្រុមហ៊ុនរកស៊ីវិនិយោគលើមាសបានរំពឹងថាមាសអាចនឹងកើនឡើងក្នុងរយៈពេល៦ខែដំបូងនៃរដ្ឋាបាលរបស់លោកត្រាំ។ ក្នុងនោះដែរ ៣ខែដំបូងអាចនឹងកើនឡើង៦.៣៨% ហើយ៣ខែបន្ទាប់ទៀតអាចនឹងឡើនឡើង៣.៣%។
ក្រុមហ៊ុន Hua Seng Heng Gold Futures បានព្យាករថាមាសអាចនឹងឡើងថ្លៃក្រោយត្រាំឡើងកាន់តំណែងដោយផ្អែកលើទិន្នន័យពីមុនតដែលម្លៃមាសតែងតែប្រែប្រួលដោយសារតែភាពមិនច្បាស់លាស់នៃនយោបាយនិងការរំពឹងទុកនៃប្រធានាធិបតីអាណត្តិថ្មី។ ដូច្នេះតម្លៃមាសអាចនឹងកើនឡើងដោយសារភាពមិនច្បាស់លាស់នៃនយោបាយ។
ជាក់ស្ដែងកាលពីលោកត្រាំធ្វើជាប្រធានាធិបតីអាណ្ណត្តិទី១នៅឆ្នាំ២០១៧ដល់២០២១ ក្រុមអ្នកវិនិយោគមានការព្រួយបារម្ភពីភាពមិនច្បាស់លាស់នៃគោលនយោបាយនិងសេដ្ឋកិច្ច។ ចំពោះអាណត្តិនេះគេរំពឹងថាមាសអាចនឹងឡើងថ្លៃដោយសារតែគោលនយោបាយរបស់លោក Donald Trump៕
