នៅលើគេហទំព័រផ្លូវការ នាល្ងាចថ្ងៃទី២២ ខែមិថុនា ឆ្នាំ២០២៥នេះ សម្តេចមហាបរវធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានគូសបញ្ជាក់ថាចាប់ពីពាក់កណ្តាលអាធ្រាតនេះ កម្ពុជានឹងផ្អាកការនាំចូលប្រេងឥន្ទនៈគ្រប់ប្រភេទពីប្រទេសថៃ។
ក្នុងនោះខ្លឹមសារដើម គេហទំព័រផ្លូវការរបស់សម្តេចបានបង្ហោះសំណេរជាផ្លូវការយ៉ាងដូច្នេះថា៖
“ចាប់ពីម៉ោង ១២យប់នេះទៅ ការនាំចូលប្រេងឥន្ធនៈនិងឧស្ម័នគ្រប់ប្រភេទពីប្រទេសថៃ ត្រូវផ្អាកទាំងស្រុង បណ្ដាក្រុមហ៊ុនចែកចាយប្រេងឥន្ធនៈនៅកម្ពុជា មានលទ្ធភាពនាំចូលប្រេងឥន្ធនៈនិងឧស្ម័នពីប្រភពផ្សេង គ្រប់គ្រាន់ ដើម្បីផ្គត់ផ្គង់តម្រូវការប្រើប្រាស់ក្នុងស្រុករបស់ប្រជាពលរដ្ឋយើង កុំថាឡើយត្រឹមមួយខែ ទោះជារៀងរហូតក៏មិនជាបញ្ហា”៕
