សម្រាប់ប្រិយមិត្តដែលស្រលាញ់ចូលចិត្តរថយន្តប្រភេទ SUV យីហោអាមេរិក ជាពិសេសបងប្អូនដែលជាហ្វេនរបស់រថយន្តហ្វត ហើយចង់ស្វែងរករថយន្តម៉ូដែលណាអាចជួយសន្សំសំចៃខ្ពស់ និងជួយថែរក្សាបរិស្ថានបាន ត្រូវប៉ាន់តែម្តង ខណៈពេលនេះ Ford គ្រោងបញ្ចេញនៅរថយន្ត Ford Explorer EV របស់ខ្លួនជាលើកដំបូង ដោយសាកភ្លើងល្បឿនចាយពេលមិនដល់កន្លះម៉ោងទេ។
យោងតាមការចុះផ្សាយលើគេហទំព័រ Ford Media កាលពីពេលកន្លងទៅនេះបានឱ្យដឹងថា ក្រុមហ៊ុន Ford បានបង្ហាញនូវរថយន្ត Explorer អគ្គិសនីថ្មី រឹងមាំ ដែលរួមបញ្ចូលគ្នានូវវិស្វកម្មអាល្លឺម៉ង់ ជាមួយនឹងរចនាបថអាមេរិកដ៏ទាក់ទាញ។ ជាមួយគ្នានេះដែរមូលហេតុដែលក្រុមហ៊ុន Ford ផ្តោតខ្លាំងទៅលើការផលិតរថយន្តអគ្គិសនី SUV នេះគឺដើម្បីចង់ឱ្យអតិថិជនដែលមានជីវភាពមធ្យមក៏អាចប្រើប្រាស់រថយន្តអគ្គិសនីដែលមានតម្លៃសមរម្យបាន។
បើនិយាយពីចំណុចពិសេសវិញរថយន្ត Ford Explorer EV សាកថ្មមួយពេញ អាចរត់បានចម្ងាយ រហូតដល់ទៅជាង ៦00 គីឡូម៉ែត្រ (៣៧៣ ម៉ាយ) ខណៈការសាកថ្មល្បឿនលឿនពី ១០ភាគរយ ដល់ ៨០ភាគរយ ប្រើពេលត្រឹមតែ ២៥នាទីប៉ុណ្ណោះ។
គួរជម្រាបផងដែរថារថយន្តមួយម៉ូដែលនេះ នឹងត្រូវអភិវឌ្ឍដោយផ្អែកលើគ្រោងឆ្អឹង MEB របស់ Volkswagen និងគ្រោងដាក់លក់នៅឆ្នាំ២០២៧៕
