ការធ្វើប័ណ្ណបេឡាសន្តិសុខសង្គម (ប.ស.ស) បានផ្តល់ផលប្រយោជន៍ជាច្រើនសម្រាប់អ្នកប្រើប្រាស់ ក្នុងនោះសមាជិកនៃ (ប.ស.ស) នឹងទទួលបាននូវផលប្រយោជន៍ធំៗដូចជា សោធនជរាភាពនៅពេលចូលនិវត្តន៍ ឬសោធនទុព្វលភាពនៅពេលធ្លាក់ខ្លួនមានជំងឺឬគ្រោះថ្នាក់រហូតដល់បាត់បង់សមត្ថភាពការងារ ឬសោធនឧត្តរជីវីនៅពេលសោធនិកទទួលមរណភាព ការថែទាំសុខភាព ហានិភ័យការងារ និង និកម្មភាពការងារជាដើម។

ជាមួយគ្នានោះដែរ សម្រាប់លក្ខខណ្ឌនៃការចុះបញ្ជីសម្រាប់អ្នកនៅក្នុងបន្ទុកសមាជិក ប.ស.ស ក្នុងវិស័យសាធារណៈត្រូវមានដូចជា៖​

១.សេចក្តីចម្លងសំបុត្រអាពាហ៍ពិពាហ៍ ឬសេចក្តីចម្លងសំបុត្របញ្ជាក់អាពាហ៍ពិពាហ៍

២.អត្តសញ្ញាណប័ណ្ណសញ្ជាតិខ្មែរ

៣.សៀវភៅគ្រួសារ ឬសៀវភៅស្នាក់នៅ

• កូនក្នុងបន្ទុក

១.សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើតឬអត្តសញ្ញាណប័ណ្ណសញ្ជាតិខ្មែរ

២.សៀវភៅគ្រួសារឬសៀវភៅស្នាក់នៅ

៣.ត្រូវមានអាយុក្រោម១៨ឆ្នាំ

គួរបញ្ជាក់ថា ក្នុងករណីអ្នកក្នុងបន្ទុកមានចំនួនចាប់ពី ២នាក់ឡើងដែលបំពេញគ្រប់លក្ខខណ្ឌការស្នើសុំចុះបញ្ជីតម្រូវឱ្យចុះទាំងអស់។

ចំពោះ លក្ខខណ្ឌនៃការចុះបញ្ជីសម្រាប់អ្នកនៅក្នុងបន្ទុកសមាជិក ប.ស.ស ក្រៅវិស័យសាធារណៈត្រូវមានដូចជា៖​

• ប្តី ឬប្រពន្ធ

១.សេចក្តីចម្លងសំបុត្រអាពាហ៍ពិពាហ៍ ឬសេចក្តីចម្លងសំបុត្របញ្ជាក់អាពាហ៍ពិពាហ៍

២.អត្តសញ្ញាណប័ណ្ណសញ្ជាតិខ្មែរ

៣.សៀវភៅគ្រួសារ ឬសៀវភៅស្នាក់នៅ

 ៤.ត្រូវមានអាយុក្រោម ៤០ឆ្នាំ

• កូនក្នុងបន្ទុក

១.សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើតឬអត្តសញ្ញាណប័ណ្ណសញ្ជាតិខ្មែរ

២.សៀវភៅគ្រួសារឬសៀវភៅស្នាក់នៅ

៣.ត្រូវមានអាយុក្រោម១៨ឆ្នាំ

គួរបញ្ជាក់ថា ក្នុងករណីអ្នកក្នុងបន្ទុកមានចំនួនចាប់ពី ២នាក់ឡើងដែលបំពេញគ្រប់លក្ខខណ្ឌការស្នើសុំចុះបញ្ជីតម្រូវឱ្យចុះទាំងអស់។