នាពេលថ្មីៗនេះ អាជ្ញាធរវៀតណាមបានរកឃើញហាងលក់គ្រឿងអលង្ការមួយកន្លែងនៅប្រទេសវៀតណាមដោយបានលួចលក់ផលិតផលម៉ាក Chanel និង Gucci ក្លែងក្លាយជាច្រើនមុខទំនិញនិងមានការជួញដូររូបិយប័ណ្ណបរទេសដោយគ្មានអាជ្ញាប័ណ្ណផងដែរ ហើយហាងនេះត្រូវគេពិន័យទឹកប្រាក់រហូតដល់ ៩ពាន់៥រយដុល្លារផងដែរ។ នេះបើតាមការដកស្រង់ចេញពីសារព័ត៌មាន VN Express ។
ប្រភពដដែលបានបន្តឱ្យដឹងទៀតថា ហាងដែលប៉ូលីសបានវាយឆ្មក់ថ្មីៗនេះគឺមានឈ្មោះថា Hoa Tung ដែលមានទីតាំងស្ថិតនៅក្នុងខេត្ត Quang Ngai ដោយក្រៅពីលក់ទំនិញប្រេនៗក្លែងក្លាយហើយ ថែមទាំងបើកការជួញដូរដោយខុសច្បាប់នូវរូបបិយប័ណ្ណជិត ២ពាន់ដុល្លារដោយមានទាំងដុល្លារអាមេរិក អូស្រ្តាលី កាណាដា និងប្រាក់យ៉េនជប៉ុនផងដែរ។
គួរបញ្ជាក់ថា នាពេលនេះដែរប៉ូលីសនៅវៀតណាមក៏បានរកឃើញផលិតផលម៉ាក Chanel និង Gucci ដោយម៉ាកទាំងអស់នោះគឺគ្មាន ឯកសារណាមួយបញ្ជាក់ពីភាពត្រឹមត្រូវរបស់វាឡើយដូច្នេះរូបិយប័ណ្ណ និងផលិតផលត្រូវបានរឹបអូសទាំងអស់៕