ព័ត៌មានស្ដីពីគុណភាពខ្យល់ក្នុងរយៈពេល២៤ម៉ោងនៅប្រទេសកម្ពុជា នឹងត្រូវបានផ្សព្វផ្សាយជាប្រចាំនៅលើវេបសាយរបស់ក្រសួងបរិស្ថាន និងនៅលើ Mobile App មានឈ្មោះ CGS SPA ព្រមទាំងផេកហ្វេសប៊ុករបស់ក្រសួងបរិស្ថានផងដែរ។ នេះបើតាមការបញ្ជាក់របស់ក្រសួងបរិស្ថាន នៅព្រឹកថ្ងៃទី២៦ ខែមីនា ឆ្នាំ២០២៥។

ក្នុងនោះក្រសួងក៏បានបន្ថែមថា សម្រាប់ការត្រួតពិនិត្យជាប្រចាំដោយ ឧបករណ៍ត្រួតពិនិត្យគុណភាពខ្យល់ គឺត្រូវបានដាក់ពង្រាយនៅទូទាំងប្រទេស ចំនួន៥៩កន្លែង និងឧបករណ៍តាមដានតាមផ្កាយរណបចំនួន១គ្រឿងផ្សេងទៀត។

យ៉ាងណាមិញជុំវិញគុណភាពនៅកម្ពុជា ក្រសូងបរិស្ថានសូមណែនាំដល់អ្នកពាក់ព័ន្ធ និងសាធារណជន បន្តចូលរួមអនុវត្តវិធានតាមការណែនាំរបស់រាជរដ្ឋាភិបាល លើការទប់ស្កាត់និងកាត់បន្ថយការបំពុលខ្យល់សាធារណៈ ដោយបឈ្ឈប់ការដុតសំណល់កសិកម្ម គល់ជញ្ជ្រាំង ដុតទន្រ្ទានព្រៃ សំរាម សំណល់រឹង ប្លាស្ទិក ដែលជាប្រភពធ្វើឱ្យគុណភាពខ្យល់ធ្លាក់ចុះ៕

អត្ថបទដោយ៖ ពីង ជូអេង