សេដ្ឋី Elon Musk នាយកប្រតិបត្តិក្រុមហ៊ុនផលិតឡានអគ្គិសនីTesla បានបង្ហើបពីគម្រោងបង្កើតព្រលានយន្តហោះមួយផ្ទាល់ខ្លួននៅក្នុងទីក្រុង Bastrop រដ្ឋតិចសាសសហរដ្ឋអាមេរិកក្នុងគោលបំណងដើម្បីសម្រួលដល់ការធ្វើដំណើររបស់លោក។ នេះបើយោងតាមការចុះផ្សាយរបស់សារព័ត៌មាន Fox business។
ប្រភពដដែលបានឲ្យដឹងថាគោលបំណងធំនៃគម្រោងព្រលានយន្តហោះបែបឯកជនរបស់សេដ្ឋី Elon Musk គឺសម្រួលការធ្វើដំណើររបស់លោកក៏ដូចជាថ្នាក់ដឹកនាំធំនៃក្រុមហ៊ុនទាំងប៉ុន្មានដែលលោកកំពុងកាន់កាប់ក្នុងការធ្វើដំណើរក្រៅទីក្រុង Austin ក្នុងរដ្ឋតិចសាស។
បើយោងតាមសារព័ត៌មានរបស់ Austonia នៃរដ្ឋតិចសាសបានឲ្យដឹងថាគម្រោងនេះគឺប្រាកដប្រជាគ្រាន់តែមិនទាន់ដឹងច្បាស់ពីពេលវេលសានិងទីតាំងជាក់លាក់នៅឡើយទេ។ យ៉ាងមិញគម្រោងព្រលានយន្តហោះ ក្នុងទីក្រុងBastropនេះ ជួយសម្រួលការធ្វើដំណើរបានច្រើនដល់Elon Musk និងក្រុមការងាររបស់លោកបានច្រើនមែនទែន ខណៈក្រុមហ៊ុនរបស់លោកដែលមានកាន់កាប់មានដូចជា Tesla, Boring Company និងSpaceX សុទ្ធតែមានការិយាល័យនៅក្នុងរដ្ឋតិចសាស៕
