នេះពិតជារឿងដ៏សែនរំភើបខ្លាំងមែនទែន ខណៈនាពេលនេះតំណាប់ស្វាយរបស់ខ្មែរយើង កំពុងតែដាក់លក់ជាលើកដំបូងក្នុងផ្សារ Costco Wholesale (KIRKLAND) ដែលជាផ្សារបោះដុំដ៏ធំមួយដែលស្ថិតក្នុងទឹកដីសហរដ្ឋអាមេរិក។

ជាក់ស្តែង បើតាមការបង្ហោះលើផេកផ្លូវការរបស់ ការិយាល័យតំណាងសភាពាណិជ្ជកម្មកម្ពុជានៅរដ្ឋបាលីហ្វ័រញ៉ា បានឱ្យដឹងថា “នាពលនេះ តំណាប់ស្វាយរបស់ប្រទេសកម្ពុជាយើងមានលក់នៅក្នុងផ្សារបោះដុំនៅសហរដ្ឋអាមេរិកហើយ Costco Wholesale (KIRKLAND)។ ដូច្នេះសូមបងប្អូនប្រជាជនខ្មែរចូលរួមគាំទ្រផលិតផលកម្ពុជាទាំងអស់គ្នាណា”។

គួរបញ្ជាក់ថា ផ្សារ Costco គឺជាសាជីវកម្មចម្រុះជាតិសាសន៍របស់អាមេរិកដែលដំណើរការខ្សែសង្វាក់នៃហាងលក់រាយនិងជាកន្លែងលក់ដុំដ៏ធំមួយនៅសហរដ្ឋអាមេរិកផងដែរ៕