វាជាឱកាសល្អមួយសម្រាប់ប្រិយមិត្តដែលមានប័ណ្ណសម្គាល់ខ្លួន ឬប័ណ្ណសមាជិក SEA GAME នៅក្នុងដៃ ខណៈពេលនេះ Cambodia 2023 ប្រកាសលក់បញ្ចុះតម្លៃជូនរាល់ការជាវលើវត្ថុអនុស្សាវរីយ៍កីឡាសុីហ្គេមផ្លូវការគ្រប់ប្រភេទ។
យោងតាមផេកផ្លូវការ Pathmazing និង Cambodia 2023 បានបង្ហោះកាលពីពេលថ្មីៗបានឱ្យដឹងថា “ក្រុមហ៊ុននឹងបើកការលក់បញ្ចុះតម្លៃពិសេសសម្រាប់ក្រុមការងារទាំងអស់គ្នាដែលបានរូមធ្វើឱ្យសុីហ្គេមលើកទី ៣២ ក្លាយជាព្រឹត្តការណ៍ដ៍វិសេសវិសាល! ឥឡូវនេះ អ្នកដែលមានប័ណ្ណសម្គាល់ (Accreditation Pass) ទាំងអស់គ្នាអាចទទួលបានការបញ្ចុះតម្លៃរហូតទៅដល់ ១៥ភាគរយ លើវត្ថុអនុស្សាវរីយ៍កីឡាសុីហ្គេមផ្លូវការគ្រប់ប្រភេទ” ។
គួរជម្រាបផងដែរថា ប្រូម៉ូសិនពិសេសនេះ អាចរកបាននៅហាងលក់វត្ថុអុស្សាវរីយ៍កីឡាសុីហ្គេមចំនួនពីរទីតាំង ដោយទីតាំងទី១ស្ថិតនៅ ពហុកីឡដ្ឋានតេជោមរតក នៅជិតច្រកចូលធំ និងទី២ស្ថិតនៅ ពហុកីឡដ្ឋានជាតិអូឡាំពិច នៅជិតច្រកចូលធំ៕