មហោស្រពភាពយន្តអន្តរជាតិកម្ពុជា (CIFF) បានធ្វើសេចក្តីជូនដំណឹងអំពីការទស្សនាភាពយន្តដោយសេរីនិងឥតគិតថ្លៃជាមួយភាពយន្តក្នុងប្រទេសកម្ពុជានិងមកពី ៤០ ប្រទេសផ្សេងៗគ្នាជាង១៥០ចំណងជើងរឿង ដែលបងប្អូនពលរដ្ឋដែលជាស្រឡាញ់ភាពយន្តអាចចូលទៅទស្សនាបាន ចាប់តាំងពីថ្ងៃពុធ ទី២៦ ដល់ថ្ងៃអាទិត្យ ទី៣០ ខែមិថុនា ឆ្នាំ២០២៤នេះ នៅទីតាំងប្រមាណចំនួន១០រោង ក្នុងរាជធានីភំ្នពេញ។
ចំពោះកម្មវិធីចាក់បញ្ចាំងកុន ដែលអាចចូលទស្សនាដោយសេរីនេះនឹងបញ្ចាំងនៅទីតាំងដូចជា៖ Legend Olympia, Legend Exchange Sq. , Major Cineplex AEON1, Fable Cinema (Large), French Institute , Bophana , Rosewood Phnom Penh ,Major Cineplex AEON3 ហើយចំពោះការសំបុត្រនឹងចែកជូននៅមុន១ម៉ោង ការបញ្ចាំងភាពយន្ត ដោយសំបុត្រនេះនឹងមាននៅតាមបញ្ជរ CIFF នៅរោងភាពយន្តផ្ទាល់ អ្នកទៅដល់មុនបានសំបុត្រមុន។
ដូច្នេះសម្រាប់បងប្អូនដែលស្នេហាវិស័យភាពយន្តទាំងខ្មែរនិងបរទេស កុំឱ្យខាកខានឱកាសដ៏ល្អនេះពីមហោស្រពភាពយន្តអន្តរជាតិកម្ពុជា ( CIFF) ដែលក្នុងនោះក៏មានវត្តសមិទ្ធករភាពយន្តប្រមាណ៦០រូបក៏នឹងចូលរួមផងដែរ។ សូមមើលម៉ោងចាក់បញ្ចាំងភាពយន្តតាមទីតាំងរោងនីមួយៗក្នុងរូបភាពខាងក្រោមនេះ៕