ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់បញ្ចប់គោរមងារ «ឧកញ៉ា» ពីឧកញ៉ាចំនួន ៤ រូប។ ខណៈការបញ្ចប់គោរមងារឧកញ៉ានេះ ធ្វើឡើងតាមសេចក្តីក្រាបបង្គំទូលថ្វាយរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

យោងតាមព្រះរាជក្រឹត្យចុះថ្ងៃទី៣១ ខែឧសភា ឆ្នាំ២០២៤ ឧកញ៉ាដែលត្រូវបានបញ្ចប់គោរមងារនេះរួមមាន៖

១. ឧកញ៉ា ពូ សុធីរៈ

២. ឧកញ៉ា តាំង ងួនសុង

៣. ឧកញ៉ា សំ ប៊ន

៤. ឧកញ៉ា ឌី បញ្ញា 

បើតាមប្រភពពីមន្រ្តីនៃទីស្តីការគណៈរដ្ឋមន្រ្តី ការបញ្ចប់គោរមងារ«ឧកញ៉ា» ពីឧកញ៉ាទាំង៤រូបខាងលើធ្វើឡើងដោយស្ម័គ្រចិត្ត និងដោយសារពួកគាត់ជ្រើសរើសការបំពេញភារៈកិច្ចក្នុងតួនាទីជាមន្ត្រីរាជការ៕