ក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី១១ ខែមីនា ឆ្នាំ២០២៥នេះ បានឱ្យដឹងថា កម្ពុជាទទួលបានគម្រោងវិនិយោគសរុបជាទឹកប្រាក់ចំនួន៣២១លានដុល្លារ សរុប៤៤គម្រោង ដោយវិស័យឧស្សាហកម្មមានអត្រាវិនិយោគពីបរទេសខ្ពស់បំផុត គិតត្រឹមខែកុម្ភៈ ឆ្នាំ២០២៥។

ក្នុងនោះ CDC បានបញ្ជាក់ថាវិស័យឧស្សាហកម្មនេះមានទំហំទឹក​ប្រាក់ ២៣៣លានដុល្លារ ដោយ៣៣លានដុល្លារគឺសម្រាប់ហេដ្ឋារចនាសម្ព័ន្ធនឹងវិស័យផ្សេងៗ លើទំហំទុនវិនិយោគសរុបចំនួន៣២១លានដុល្លារ។

សូមជម្រាបថាគិតត្រឹមរយៈពេល២ខែនៃឆ្នាំ២០២៥នេះ គម្រោងវិនិយោគទាំងអស់នៅកម្ពុជា ដែលមានទីតាំងស្ថិតនៅក្រៅតំបន់សេដ្ឋកិច្ចពិសេសគឺមានចំនួន២១គម្រោង ឯគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ចពិសេសមានចំនួន២៣គម្រោង៕

អត្ថបទដោយ៖ ពីង ជូអេង