បើយោងតាមសេចក្តីណែនាំ លេខ៦៩ អយក.សណន នៃក្រសួងអប់រំយុវជន និងកីឡា បានចុះផ្សាយ សិស្សានុសិស្សថា្នក់ទី១២ទាំងអស់នឹងមានការប្រឡងទុតិយភូមិនៅថ្ងៃទី១៨ ខែមិថុនា ឆ្នាំ២០២៥ ខាងមុខនេះ។ ពិតប្រាកដណាស់ បន្ទាប់ពីបញ្ចប់ថ្នាក់ទី១២ សិស្សានុសិស្សប្រាកដជាស្វែងរកជំនាញ និងសាកលវិទ្យាល័យដើម្បី បន្តការសិក្សានិងចាប់យកជំនាញធ្វើជាអាជីព។ ការជ្រើសរើសជំនាញសម្រាប់សិក្សាក្នុងថ្នាក់បរិញ្ញាបត្រ ពិតជាមាន សារៈសំខាន់ណាស់ពីព្រោះការសិក្សាជំនាញក្នុងថ្នាក់បរិញ្ញាបត្រគឺជាការចាប់យកជំនាញសម្រាប់អាជីពការងារនាថ្ងៃអនាគត និងដើម្បីធ្វើជាស្ពានទៅកាន់ក្តីស្រមៃដែលខ្លួនមាន។ សរុបមកគ្រប់ជំនាញទាំងអស់សុទ្ធតែល្អ និងមានអត្ថប្រយោជន៍ប្រសិនបើយើងចេះច្បាស់លាស់។ ប៉ុន្តែយើងគួរតែសិក្សា និងពិចារណាអោយបានល្អិតល្អន់ ជាមុនសិនក្នុងការសម្រេចចិត្តជ្រើសរើសជំនាញដែលខ្លួនស្រលាញ់ថាតើជំនាញនោះវាមានតម្រូវការខ្ពស់ក្នុងបរិបទសង្គមបច្ចុប្បន្ននេះដែរឬទេ? ហើយតើយើងគួរសិក្សានៅឯណាទើបទទួលបានជំនាញនោះយ៉ាងច្បាស់លាស់ និងស្ទាត់ជំនាញ ជាពិសេសដែលមានការទទួលស្គាល់ទូលំទូលាយ?
រីឯប្រទេសកម្ពុជាគឺជាប្រទេសមួយដែលកំពុងអភិវឌ្ឈ ហើយក៏មានអ្នកវិនិយោគទាំងក្នុងស្រុក និងក្រៅស្រុកមកធ្វើពាណិជ្ជកម្មក្នុងប្រទេសយើងជាច្រើនផងដែរ។ នៅពេលដែលនិយាយដល់ជំនាញពាណិជ្ជកម្ម យើងប្រាកដជាគិតដល់ជំនាញដែលទាក់ទងនឹងការធ្វើអាជីវកម្ម តែជាក់ស្តែងមានជំនាញគោលមួយចំនួនដែល ចាំបាច់ត្រូវតែមានដោយខ្វះពុំបានមិនថាក្រុមហ៊ុន ឬអាជីវកម្មផ្សេងៗ ហើយជំនាញនោះគឺជាជំនាញគណនេយ្យ និងហិរញ្ញវត្ថុ។ ជំនាញមួយនេះកំពុងតែស្ថិតក្នុងតម្រូវការខ្ពស់មិនថាក្នុងប្រទេសកម្ពុជា ឬក៏នៅលើពិភពលោក នោះទេ។ ទន្ទឹមនឹងនេះដែរ CamEd Business School គឺជាគ្រឹះស្ថានឧត្តមសិក្សាដែលបណ្តុះបណ្តាលទៅលើ ជំនាញបរិញ្ញាបត្រផ្នែកគណនេយ្យ និងហិរញ្ញវត្ថុ ហើយក៏ជាគ្រឹះស្ថានដំបូងគេនៅប្រទេសកម្ពុជាដែលទទួលបាន សិទ្ធិក្នុងការបង្រៀនកម្មវិធី ACCA (Association of Chartered Certified Accountants) ដែលជាសមាគមគណនេយ្យករជំនាញអន្តរជាតិ ដែលមានទីតាំងនៅចក្រភពអង់គ្លេស និងមានសមាជិកនៅជុំវិញ ពិភពលោករហូតជាង១៨០ប្រទេស ហើយ CamEd Business School ក៏មានការទទួលស្គាល់ពីគណៈកម្មាការ
វាយតម្លៃគុណភាពអប់រំសាកលវិទ្យាល័យ ACBSP នៅសហរដ្ធអាមេរិកផងដែរ។ លើសពីនេះទៅទៀត ការសិក្សាថ្នាក់បរិញ្ញាបត្រនៅ CamEd Business School មានរយៈពេល៤ឆ្នាំ អ្នកនឹងមានឱកាសទទួលបាន សញ្ញាបត្រចំនួន២ ក្នុងកម្មវិធីសិក្សាតែមួយ គឺសញ្ញាបត្របរិញ្ញាបត្រផ្នែកគណនេយ្យ និងហិរញ្ញវត្ថុ ដែលទទួលស្គាល់ពី ក្រសួងអប់រំ យុវជន និងកីឡា នៃប្រទេសកម្ពុជា និងសញ្ញាបត្រជំនាញអ្នកបច្ចេកទេស ផ្នែកគណនេយ្យ (CAT) ពីសមាគមគណនយ្យករជំនាញអន្តរជាតិ ACCA។ ចំពោះសាស្ត្រាចារ្យដែលបង្រៀននៅ CamEd Business School សុទ្ធសឹងតែមកពីបណ្តាប្រទេសធំៗដូចជា សហរដ្ឋអាមេរិក អង់គ្លេស សាំងហ្គាពួរ និងហ្វីលីពីន និងប្រទេសជាច្រើនផ្សេងទៀត ហើយសាស្រាចារ្យសុទ្ធតែមានគរុកោសល្យក្នុងការបង្រៀន លំដាប់អន្តរជាតិរួមជាមួយបទពិសោធន៍ក្នុងការបង្រៀន និងការងារក្នុងមុខតំណែងខ្ពស់ជាយូរឆ្នាំផងដែរ។
ការជ្រើសរើសជំនាញដ៏ល្អរួមជាមួយសាកលវិទ្យាល័យដ៏សាកសមនឹងធ្វើឲ្យអ្នកមានអាទិភាពខ្ពស់ក្នុងទីផ្សារការងារដូច្នេះហើយសូមចាប់ផ្តើមបង្កើតនូវបទពិសោធនមួយដ៏អស្ចារ្យ សិក្សាជាមួយ CamEd Business School នៅថ្ងៃនេះ តាមរយៈការចុះឈ្មោះជាមួយគេហទំព័រ៖ www.cam-ed.com។
សម្រាប់ព័ត៌មានបន្ថែមសូមទំនាក់ទំនងទៅកាន់លេខ ០៧០ ៦៧៣ ៦៧៣ ឬ ០១០ ៩៨៦ ៥២៣ និងតាមតេឡេក្រាម ០៧៨ ៥៨៨ ៨៨៦៕
