ជាដំណឹងដ៏រីករាយមួយសម្រាប់ប្រជាជនកម្ពុជា ខណៈក្រុមហ៊ុន សុខា អូតែល របស់អ្នកឧកញ៉ាបណ្ឌិត សុខ គង់ មានគម្រោងសាងសង់ព្រះពុទ្ធប្បដិមាកម្ពស់ជាង ១០០ ម៉ែត្រនៅក្នុងខេត្ដកំពត។ ហើយបច្ចុប្បន្នគម្រោងនេះក៏បាននឹងកំពុងរៀបចំដំណើរការផងដែរ។

យោងតាមសេចក្ដីជូនដំណឹងពីក្រុមហ៊ុន សុខា អូតែល ការសាងសង់ព្រះពុទ្ធប្បដិមានេះមានកម្ពស់រហូតដល់ទៅ ១០៨ ម៉ែត្រឯណោះ។ បើតាមការបញ្ជាក់ពីក្រុមហ៊ុន ព្រះពុទ្ធប្បដិមានេះនឹងសាងសង់នៅខ្នងភ្នំពេញបូកគោ ក្នុងឧទ្យានជាតិព្រះមុនីវង្ស «បូកគោ» ស្ថិតនៅក្នុងខេត្ដកំពត។

សូមជម្រាបថា បច្ចុប្បន្ននៅកម្ពុជាមិនទាន់មាន ព្រះពុទ្ធប្បតិមា ដែលមានកម្ពស់ខ្ពស់បែបនេះនៅឡើយនោះទេ។ ដូច្នេះនៅពេល ព្រះពុទ្ធប្បតិមា នេះសាងសង់រួចរាល់ និងក្លាយជារូបសំណាក់ខ្ពស់ជាងគេនៅកម្ពុជា ដែលអាចទាក់ទាញទេសចរណ៍ ក៏ដូចជាងពុទ្ធបរិស័ទ មកកាន់ខេត្ដកំពតកាន់តែច្រើនផងដែរ៕

អត្ថបទ៖ កឹម ប៊៊ុនធឿន