កាលពីថ្ងៃទី១៦ ខែឧសភា ឆ្នាំ២០២៥ កន្លងទៅនេះ ក្រុមហ៊ុន បុរី ប៉េង ហួត ទើបនឹងបានប្រកាសបើកលក់ជាផ្លូវការនូវគម្រោង ភូមិមរកត ដែលជាគម្រោងលំនៅឋានថ្មី មានទីតាំងស្ថិតនៅក្នុងតំបន់មហាវិថីសម្ដេចតេជោ ហ៊ុន សែន (ផ្លូវ៦០ម៉ែត្រ)។ ខណៈគម្រោងនេះក្រុមហ៊ុនបានវិនិយោគទុនប្រមាណ ៣០០ លានដុល្លារឯណោះ ដើម្បីធ្វើការអភិវឌ្ឍឡើង។
តាមការបញ្ជាក់ពីលោក លោក គួរ ម៉េងហួរ នាយកផ្នែកអភិវឌ្ឍអាជីវកម្ម បានឲ្យដឹងថា «នេះជាគម្រោងទី៤ ដែលបុរី ប៉េង ហួត បានអភិវឌ្ឍន៍ក្នុងតំបន់ផ្លូវ ៦០ម៉ែត្រ ហើយទីតាំងថ្មីនេះ ត្រូវបានធ្វើការអភិវឌ្ឍឡើងលើផ្ទៃដីសរុបប្រមាណ ១០០ ហិកតា ដោយឡែក គម្រោង ភូមិមរកត ចាប់ផ្តើមដំណាក់កាលទី១ ដោយមានទំហំ ៣០ហិកតា និងមានលំនៅឋានជាង ៥០០ខ្នង សរុបជាទឹកប្រាក់វិយោគប្រមាណ ៣០០ លានដុល្លារ»។
បើតាមការឲ្យដឹងពីក្រុមហ៊ុនមកកាន់ Business Cambodia គម្រោងភូមិមរកតនេះគឺមានសាងសង់ប្រភេទផ្ទះសរុប ១១ ប្រភេទឯណោះដោយក្នុងនោះរួមមាន៖ King Grand Villa, King Majestic Villa, Queen Villa, Prince Villa, Princess Villa, Jasmina Modern Villa, Twin A Villa, Twin B Villa, Twin Modern Villa, LM link Villa និង Shophouse Majestic។ ដូច្នេះអតិថិជនអាចធ្វើការជ្រើសរើសប្រភេទផ្ទះដែលខ្លួនស្រឡាញ់បាន។
អ្វីដែលពិសេសសម្រាប់គម្រោង ភូមិមរកត នេះ បុរី ប៉េង ហួត បានធ្វើការសហការជាមួយធនាគារដៃគូចំនួន ៥ រួមមាន៖ ធនាគារ J trust Bank, ធនាគារ MayBank, ធនាគារ Bank of China, ធនាគារ Bred Bank និងធនាគារ MB Cambodia ដើម្បីផ្ដល់កម្ចីពិសេសសម្រាប់អតិថិជនដែលទិញផ្ទះថែមទៀតផង។ ដោយក្នុងនោះមានដូចជា៖ ផ្ដល់អត្រាការប្រាក់កាន់តែទាប, រយៈពេលកម្ចីវែង និងទំហំកម្ចីច្រើនជាងមុនផងដែរ។
ដូច្នេះសម្រាប់លោកអ្នកដែលកំពុងចង់បានផ្ទះក្នុងក្ដីស្រមៃ អាចធ្វើរកស្វែងរកនៅក្នុងគម្រោង ភូមិមរកត របស់បុរី ប៉េង ហួត បាន។ ចំពោះព័ត៌មានលម្អិតសូមទំនាក់ទំនងទៅកាន់ក្រុមការងារបុរី ប៉េង ហួត តាមលេខទូរសព្ទ 016/017 59 6789 ឬមកកាន់ទីតាំងគម្រោងតាមរយៈតំណផែនទីមួយនេះ https://maps.app.goo.gl/M6mgri637d1zFpnk9 ៕
