ធ្វើការពេញមួយសប្តាហ៍បងប្អូនប្រាកដជាមានអារម្មណ៍ថានឿយហត់ឬស្រ្តេស ចង់បំពេញអារម្មណ៍ឡើងវិញតាមរយៈការអានយកចំណេះដឹងថ្មី រូបភាពថ្មីៗដើម្បីអភិវឌ្ឍន៍ខ្លួនសម្រាប់ការងារសប្តាហ៍ថ្មីៗទៀត។
ដូច្នេះកុំភ្លេចណាល្ងាចនេះទៅលេងពិព័រណ៍សៀវភៅដែល មានបញ្ចុះតម្លៃពិសេសៗ និងស្តង់អាហារដើរភ្លក់ទិញញុាំ ដែលមានទីតាំងនៅចំកណ្តាលអគារបារាំងសិ្ថតក្នុងទីក្រុងកោះពេជ្រ។
កម្មវិធីពិព័រណ៍សៀវភៅ ដែលធ្វើឡើងក្រោមប្រធានបទ “សៀវភៅជាមិត្តយល់ចិត្ត” មានរយៈពេល៣ថ្ងៃ ដោយគិតចាប់ពីថ្ងៃសុក្រទី២៦ រហូតដល់ថ្ងៃទី២៨ឧសភា និងគួបផ្សំជាមួយស្តង់អាហារចុងសប្តាហ៍ ដែលប្រមូលផ្តុំទៅដោយហាងអាហារច្រើនជម្រើស ការលក់វត្ថុអនុស្សាវរីយ អមជាមួយបរិយាយកាសទេសភាពខ្យល់ទន្លេ សំណង់អគារបារំាង និងក្រុមតន្រ្តីសមនិងការលំហែកាយ។
ក្នុងនោះដែរស្តង់សៀវភៅគំនិតអាជីវកម្មរបស់ Business Cambodia ដែលមាននៅស្ដង់B15 ក៏មានការដាក់លក់បញ្ចុះតម្លៃពិសេស ថែមជូនកាដូជាច្រើនមុខ ចំណេញថ្លៃដឹកជញ្ចូន និងមានឱកាសជួបជាមួយអ្នកនិពន្ធថែមទៀត។
គួរបញ្ជាក់ទៀតថាពិព័រណ៍សៀវភៅជាមិត្តយល់ចិត្តលើកទី២ នេះនឹងធ្វើនៅអគារ The Elysee ( The Elysee Sqaure) កោះពេជ្រ ចាប់ពីម៉ោង៩ព្រឹកដល់ម៉ោង៩យប់ រយៈពេល៣ថ្ងៃ ក្នុងគោលបំណងលើលើកកម្ពស់ការអាននៅកម្ពុជា ដើម្បីឱ្យស្របទិសដៅគ្នានឹងគោលដៅធ្វើនាវានុវត្តន៍វិស័យអប់រំ៕
អត្ថបទដោយ៖ ពីង ជូអេង