កម្មវិធីតេឡេក្រាមគឺជាកម្មវិធីដែលដើមកំណើតនៅប្រទេសរុស្ស៊ី ដែលមានអ្នកប្រើប្រាស់ជាង៩៥០លាននាក់ ទូទាំងពិភពលោកគិតត្រឹមឆ្នាំ២០២៥នេះ។ យ៉ាងណាមិញខាងក្រោមនេះគឺជាប្រទេសអាស៊ីចំនួន៣ដែលបានបិទកម្មវិធី Telegram ព្រោះតែរងការចោទដាក់លើបញ្ហាសន្តិសុខ។
១. ប្រទេសថៃ៖ កម្មវិធី Telegram ត្រូវបានហាមឃាត់នៅក្នុងប្រទេសថៃចាប់តាំងពីឆ្នាំ ២០២០ ដោយសារតែមានការប្រើប្រាស់របស់កម្មវិធីនេះ នៅក្នុងការតវ៉ាប្រឆាំងរដ្ឋាភិបាល ដូច្នេះTelegram មិនអាចប្រើបានទេនៅក្នុងប្រទេសថៃដោយសារតែការបញ្ជាបិទ។
២. ប្រទេសចិន៖ នៅក្នុងប្រទេសចិនកម្មវិធីផ្ញើសារ Telegram ត្រូវបានរារាំងតាំងពីឆ្នាំ២០១៥ ដោយរដ្ឋាភិបាលចិនបានចោទប្រកាន់ថាកម្មវិធីនេះបានចែកចាយនិងរក្សាទុកព័ត៌មាននិងមាតិកាមិនពិត ដែលជំរុញឱ្យ កម្មវិធីត្រូវបានត្រួតពិនិត្យនិងធ្វើការតាមច្បាប់បិទតែម្តង។
៣. ប្រទេសឥណ្ឌា៖ រដ្ឋាភិបាលរបស់ប្រទេសឥណ្ឌាបានស៊ើបអង្កេតកម្មវិធី Telegram អស់រយៈពេលជាច្រើនឆ្នាំនិងបាន ចោទប្រកាន់អំពីសកម្មភាពឧក្រិដ្ឋកម្មជាច្រើន ហើយកំពុងបន្ត ស៊ើបអង្កេតលើ Telegram ដើម្បីហាមឃាត់កម្មវិធីនេះជាផ្លូវការ។
ជាការពិតណាស់កម្មវិធី Telegram ដែលបង្កើតឡើងដោយលោក Pavel Durov ក្នុងឆ្នាំ២០១៣ ដោយរងការចោទប្រកាន់និងប្តឹងបិទនៅបណ្តាប្រទេសជាច្រើន ទាំងអ៊ឺរ៉ុបនិងអាស៊ី តេឡេក្រាមក៏ត្រូវបានប្រទេសកំណើតបណ្តេញចេញចាប់តាំងពីឆ្នាំ២០១៨ និងបន្តបង្កើតទីស្នាក់ការមូលដ្ឋាននៅប្រទេសជាច្រើនជំនួសវិញ៕
អត្ថបទដោយ៖ ពីង ជូអេង
