សំបុត្រអត្រានុកូលដ្ឋានកំណើត រួមមាន សំបុត្រកំណើត និងសំបុត្របញ្ជាក់ ដែលជាទូទៅសំបុត្រនេះត្រូវធ្វើនៅ សាលាឃុំ សង្កាត់នៃលំនៅដ្ឋានអចិន្ត្រៃយ៍របស់ឪពុកម្តាយ ហើយរយៈពេលនៃការចុះបញ្ជីអត្រានុកូលដ្ឋានគ្រប់ប្រភេទ ការចេញសេចក្តីចម្លងសំបុត្រអត្រានុកូលដ្ឋាន មានរយៈពេល ០៣ថ្ងៃនៃថ្ងៃធ្វើការប៉ុណ្ណោះ ។ ក្នុងករណីមានការយឺតយ៉ាវ ឧត្តមសេនីយ៍ឯកឱ្យធ្វើការទាក់ទងទៅកាន់លេខ ១២៧១ រៀងរាល់ម៉ោងធ្វើការ ។ នេះបើតាមការឱ្យដឹងរបស់ ឧត្ដមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម ។
គួរបញ្ជាក់ផងដែរថា ចំពោះឯកសារសម្រាប់ស្នើសុំចុះបញ្ជីអត្រានុកូលដ្ឋានកំណើតរួមមាន ៖
ក.ចុះបញ្ជីអត្រានុកូលដ្ឋានកំណើត (ក្នុងអំឡុងពេល ៣០ថ្ងៃ)
-លិខិតទទួលស្គាល់កំណើតចេញដោយមូលដ្ឋានសុខាភិបាល ឬអាជ្ញាធរមានសមត្ថកិច្ច
-សេចក្តីចម្លងសំបុត្រអត្រានុកូលដ្ឋានកំណើតរបស់ឪពុកម្តាយ
-សេចក្តីចម្លងសំបុត្រអាពាហ៍ពិពាហ៍របស់ឪពុកម្តាយ (ប្រសិនបើមាន)
-សៀវភៅស្នាក់នៅ ឬសៀវភៅគ្រួសារ ឬអត្តសញ្ញាណប័ណ្ណសញ្ជាតិខ្មែរររបស់ឪពុកម្តាយ
ខ.ចុះបញ្ជីអត្រានុកូលដ្ឋានបញ្ជាក់កំណើត (ហួសរយៈពេល៣០ថ្ងៃ)
-លិខិតទទួលស្គាល់កំណើតចេញដោយមូលដ្ឋានសុខាភិបាល ឬអាជ្ញាធរមានសមត្ថកិច្ច
-សេចក្តីចម្លងសំបុត្រអត្រានុកូលដ្ឋានកំណើតរបស់ឪពុកម្តាយ
-សេចក្តីចម្លងសំបុត្រអាពាហ៍ពិពាហ៍របស់ឪពុកម្តាយ (ប្រសិនបើមាន)
-សៀវភៅស្នាក់នៅ ឬសៀវភៅគ្រួសារ ឬអត្តសញ្ញាណប័ណ្ណសញ្ជាតិខ្មែរររបស់ឪពុកម្តាយ
-សាក្សី ចំនួន០២រូបជានីតិជន ដែលមានលំនៅដ្ឋានពិតប្រាកដ៕
