បន្ទាប់ពីបានដំណើរការជើងហោះហើរអន្តរជាតិថ្មីៗជាច្រើនកន្លងមក នាថ្ងៃនេះ ក្រុមហ៊ុនអាកាសចរណ៏ AirAsia Cambodia បានបន្តដាក់សម្ពោធជើងហោះហើរថ្មីបន្ថែមទៀតចេញដំណើរពីទីក្រុងភ្នំពេញឆ្ពោះទៅកាន់ទីក្រុងហូជីមិញ ប្រទេសវៀតណាម។

ជើងហោះហើរត្រង់ទៅ-មក ចំនួន 4 ជើងហោះហើរ ក្នុងមួយសប្តាហ៍ អាចទទួលអ្នកដំណើរប្រមាណជាង 1,400 នាក់ ក្នុងមួយសប្តាហ៍ ដែលជើងហោះហើរ ទៅ-មក រវាង អាកាសយានដ្ឋានអន្តរជាតិភ្នំពេញ​​​ និងទីក្រុងហូជីមិញ នឹងអាចជំរុញកំណើនទេសចរណ៍ និងសេដ្ឋកិច្ច រវាងទីក្រុងទាំងពីរបានយ៉ាងប្រសើរ។

ទន្ទឹមនឹងការសម្ពោធជើងហោះហើរថ្មីនេះ​​​ អ្នកដំណើរទាំងអស់បានចេញដំណើរពីអាកាសយានដ្ឋានអន្តរជាតិភ្នំពេញ នៅម៉ោង 11:50 ព្រឹក (ម៉ោងនៅកម្ពុជា) ដែលជើងហោះហើរដំបូងនេះត្រូវបានទទួលការស្វាគមន៍ជូនដំណើរពីសំណាក់ នាយអាកាសយានិក លោក Rajesh Gill តំណាងក្រុមហ៊ុនអាកាសចរណ៏ AirAsia Cambodia ដោយបានចែកជូន “ក្រមា”  ដែលត្រូវបានស្គាល់ថាជា មរតក​វប្បធម៌​ជាតិ​អរូបីរបស់ប្រទេសកម្ពុជា​ ជាវត្ថុអនុស្សាវរីយ៌ ក្នុងឱកាស​ដ៏វិសេសវិសាលមួយនេះ។ ជាមួយគ្នានេះផងដែរ មន្រ្តីអាកាសយានដ្ឋាន និងថ្នាក់ដឹកនាំមួយចំនួនក៏បានប្រារព្ធពីធីអបអរសាទរជើងហោះហើរត្រឡប់មកវិញ ដែលហោះហើរចេញពីទីក្រុងហូជីមិញ នៅម៉ោង 13:25 នាទីរសៀល (ម៉ោងនៅវៀតណាម) ដើម្បីជូនដំណើរភ្ញៀវជាតិ និង​អន្តរជាតិ ចាកចេញពី​ទឹកដីពោរពេញដោយវប្បធម៌អច្ឆរិយ “Land Of Blue Dragon”។

លោក ណម វិស្សុត ប្រធាននាយកប្រតិបត្តិនៃក្រុមហ៊ុន AirAsia Cambodia បានមានប្រសាសន៍ថា “ក្នុងនាមជា សមាជិកថ្មីបំផុតនៃ AirAsia ថ្ងៃនេះគឺឱកាសមួយដែលបានបង្ហាញអំពីការបោះជំហានថ្មីមួយទៀត​នៃការរីកចម្រើនរបស់ AirAsia Cambodia ខណៈពេលដែលយើងខ្ញុំកំពុងបន្តពង្រីកសមត្ថភាព នឹងសេវាកម្ម ក្នុងគោលបំណងបំពេញតម្រូវការដ៏រឹងមាំនាពេលខាងមុខនេះ។

គិតចាប់ពី ក្រុមហ៊ុន​​​អាកាសចរណ៍ យើងខ្ញុំ បានដំណើរការហោះហើរចេញពីអាកាសយានដ្ឋានអន្តរជាតិភ្នំពេញនា ខែឧសភា ឆ្នាំ 2024  កន្លងមកនេះ រួមមានជើងហោះហើរក្នុងស្រុកឆ្ពោះទៅកាន់  ខេត្តសៀមរាប  ហើយនឹងជើងហោះហើរអន្តរជាតិ ឆ្ពោះទៅ

កាន់ទីក្រុងសំខាន់ៗ ដូចជាកូឡាឡាំពួរ សិង្ហបុរី និង វៀតណាម ។ ដូច្នេះ​រហូតមកដល់បច្ចុប្បន្ននេះ សរុបជើងហោះហើរទាំងអស់ យើងខ្ញុំមានមោទនភាពសូមជម្រាបថា យើងខ្ញុំបានដឹកជញ្ជូនអ្នកដំណើរទៅ-មក ជាង 10,000 នាក់ ក្នុងមួយសប្តាហ៍ ដែលបានចេញដំណើរទៅ-មក ពីព្រះរាជាណាចក្រកម្ពុជា  ជាមួយនឹងផែនការពង្រីកជើងហោះហើរឆ្ពោះ

ទៅកាន់គោលដៅជាច្រើនទៀត នាពេលខាងអនាគត។

“កម្ពុជា និងវៀតណាម ជាប្រទេសជិតខាង ដែលជាគន្លឹះដ៏សំខាន់ស្ថិតនៅក្នុងខ្សែក្រវ៉ាត់ទេសចរណ៍ក្នុងតំបន់ ទន្លេមេគង្គ ដែលអាចផ្តល់ជូនអ្នកដំណើរអន្តរជាតិនូវការតភ្ជាប់ឆ្ពោះទៅកាន់គោលដៅដ៏ស្រស់ស្អាតជាច្រើន។ ការបើកសម្ពោធជើងហោះហើរត្រង់ រវាងទីក្រុងធំៗរបស់ប្រទេសទាំង 2 នឹងបង្កើនភាពងាយស្រួលរួមជាមួយគុណភាពសំបូរបែប នឹង ជម្រើសកាន់តែច្រើន សម្រាប់អ្នកដំណើរជាតិ និងអន្តរជាតិ។

“យើងខ្ញុំជឿជាក់់យ៉ាងមុតមាំថា ជើងហោះហើរថ្មី រវាងភ្នំពេញ និងទីក្រុងហូជីមិញ នឹងបង្ហាញឱ្យឃើញ ពីប្រជាប្រិយភាពដ៏ពេញនិយម និងភាពជោគជ័យយ៉ាងល្អប្រសើរ សម្រាប់ប្រទេសទាំងពីរ។ សំខាន់ជាងនេះទៅទៀត យើងខ្ញុំក៏បានសម្លឹងមើលឃើញអំពីតម្រូវការដ៏មានសក្តានុពល ពីក្រុមហ៊ុនអាកាសចរណ៍ AirAsia Group ដែលនឹងអាចតភ្ជាប់ កម្ពុជា និងវៀតណាម ឆ្ពោះទៅកាន់គោលដៅជាង 130 នៅអាស៊ី អាស៊ីប៉ាស៊ីហ្វិក និងគោលដៅដ៏ទៃជាច្រើនទៀត ជាមួយនឹងតម្លៃសំបុត្រដ៏សមរម្យបំផុត​។

ជើងហោះហើរថ្មីនេះផងដែរ នឹងក្លាយជាឱកាសដ៏ពិសេស​មួយសម្រាប់ ប្រទេសទាំង 2 ក្នុងការបង្ហាញអំពី សម្បត្តិបេតិកភណ្ឌវប្បធម៌ដ៏សម្បូរបែប និង ភាពទាក់ទាញជាច្រើនជារបស់ខ្លួន ក៏ជានឹងឆ្លុះបញ្ចាំងពីការ ប្តេជ្ញាចិត្តយ៉ាងមោះមុតរបស់  AirAsia ក្នុងការក្លាយជាក្រុមហ៊ុនអាកាសចរណ៍តម្លៃសមរម្យឈានមុខ  ក្នុងបណ្តាញហោះហើរក្នុងសហគមន៍អាស៊ាន  ខណៈពេលដែលមានការលូតលាស់គួរឱ្យកត់សម្គាល់នូវចំនួនភ្ញៀវទេសចរណ៍ កំណើនវិស័យសេដ្ឋកិច្ច និងឱកាសការងារដ៏ច្រើនកុះករ នៅទូទាំងតំបន់។

ដើម្បីជា​ចំណែកនៃ​ការអបអរសាទរចំពោះការសម្ពោធជើងហោះហើរអន្តរជាតិថ្មីនេះ ក្រុមហ៊ុន AirAsia Cambodia សូមប្រកាសដាក់លក់សំបុត្រសម្រាប់ជើងហោះហើររវាង ទីក្រុងភ្នំពេញ និង ទីក្រុងហូជីមិញ ក្នុងតម្លៃសំបុត្រដ៏អស្ចារ្យបំផុតចាប់

ពី 74* USD។

កាលវិភាគហោះហើររវាង ទីក្រុងភ្នំពេញ (PNH) និង ទីក្រុងហូជីមិញ (SGN)៖

ម៉ោងចេញដំណើរ​​ និងម៉ោងទៅដល់គឺគិតជាទម្រង់ 24 ម៉ោង។

*តម្លៃដែលដាក់លក់រួមបញ្ចូលទាំងតម្លៃមូលដ្ឋាន ពន្ធ និងថ្លៃសេវាផ្សេងៗ។ លក្ខខណ្ឌផ្សេងៗត្រូវបានអនុវត្ត។