ការប្រើប្រាស់ App ធនាគារ បច្ចុប្បន្នមានភាពងាយស្រួលព្រោះអ្នកអាចធ្វើប្រតិបត្តិការសេវាធនាគារបានយ៉ាងច្រើននៅក្នុងទូរស័ព្ទដៃរបស់អ្នក។ យ៉ាងណាមិញអ្នកក៏ត្រូវប្រុងប្រយ័ត្នផងដែរព្រោះមានជនខិលខូចជាច្រើនព្យាយាមឆបោកយកលុយពីធនាគាររបស់អ្នក។

ជុំវិញការឆបោករបស់ជនខិលខូចនេះដែរ ធនាគារ ABA បានកើនរំលលឹកដល់អតិថិជនរបស់ខ្លួនដូចខាងក្រោមនេះ។

១. កុំប្រាប់ /ផ្ញើព័ត៌មានគណនីរបស់អ្នក ឲ្យនរណាម្នាក់ឲ្យសោះ។ ព័ត៌មានសម្រាប់បើកចូលគណនី ឬ ABA Mobile, លេខកូដ OTP ឬលេខកាត 16 ខ្ទង់ ត្រូវរក្សាជាការសម្ងាត់បំផុត។ ធនាគារ ABA ដាច់ខាតនឹងមិនស្នើសុំព័ត៌មានសម្ងាត់ទាំងនេះពីអតិថិជនណាម្នាក់ឡើយ។

២. កុំចុចលើលីងណាមួយផ្ដេសផ្ដាស ទោះជាមើលទៅដូចពិត ក៏ដោយ។ សូមទាក់ទងមកយើងខ្ញុំតាមរយៈលេខ 1 800 203 203 (តេឥតគិតថ្លៃ)។

ដើម្បីបង្កើនសុវត្ថិភាពកាន់តែខ្ពស់ធនាគារ ABA ណែនាំឲ្យធ្វើរឿងខាងក្រោមនេះ៖  

បើកមុខងារ សោមុខ ក្នុង ABA Mobile៖  ផ្ទៃមុខផ្ទាល់របស់អ្នកជាក់ស្ដែង គឺជាសោ ដោយជនឆបោកមិនអាចយករូបអ្នកមកបន្លំបានឡើយ។

និយាយរឿងលុយ និយាយនៅកន្លែងឆាតក្នុង ABA Mobile ៖ គ្មានការក្លែងបន្លំ ឬក្លែងប្រូហ្វាល, មានសុវត្ថិភាព និងទំនុកចិត្ត ច្បាស់ថា បុគ្គលដែលអ្នកកំពុងសន្ទនាជាមួយ គឺជាម្ចាស់គណនីពិតប្រាកដ៕