ប្រាក់ដុល្លារអាមេរិក គឺជារូបិយប័ណ្ណបម្រុងចម្បងរបស់ពិភពលោក ហើយវាក៏ជារូបិយប័ណ្ណដែលត្រូវបានប្រើប្រាស់យ៉ាងទូលំទូលាយបំផុតសម្រាប់ពាណិជ្ជកម្ម និងប្រតិបត្តិការអន្តរជាតិផ្សេងទៀតផងដែរ។

ប៉ុន្តែកាលពីពេលថ្មីៗនេះ យោងតាមធនាគារដ៏ធំបំផុតរបស់ពិភពលោក JP Morgan បានកត់សម្គាល់ឃើញថា រូបិយប័ណ្ណដុល្លារអាមេរិក កំពុងបាត់បង់តម្លៃព្រោះកត្តាធំៗ ៣ ខាងក្រោម៖

១/. នៅក្នុងចន្លោះទំនិញ ប្រតិបត្តិការថាមពលច្រើនតែត្រូវបានគេកំណត់តម្លៃជារូបិយប័ណ្ណដែលមិនមែនជាដុល្លារ។

២/. ធនាគារអាមេរិកមិនត្រូវបានចូលរួមនៅក្នុងប្រព័ន្ធទូទាត់ថ្មីដែលប្រើសម្រាប់កិច្ចព្រមព្រៀងឆ្លងដែនទេ។

៣/. ចំណែករបស់លុយដុល្លារ នៃទុនបម្រុង Foreign Exchange (ផ្សារប្តូរប្រាក់បរទេស ឬ ទីផ្សារជួញដូរប្រាក់រូបិយប័ណ្ណ) ដែលជាឧបករណ៍វាស់ស្ទង់តម្លៃដុល្លារដែលប្រើជាទូទៅបានថយចុះ។

គួរជម្រាបផងដែរថា មានប្រទេសចំនួន១១ បានប្រកាសជាផ្លូវការថា ខ្លួននឹងបញ្ឈប់ការប្រើប្រាស់លុយដុល្លារ ក្នុងប្រតិបត្តិការហិរញ្ញវត្ថុចាប់ពីឆ្នាំ ២០២៥ តទៅ។ ក្នុងនោះរួមមានប្រទេសដូចជា អាមេនី, អាសែបៃហ្សង់, បេឡារុស, កាហ្សាក់ស្ថាន, គៀហ្ស៊ីស្ថាន, ម៉ុលដាវ, រុស្ស៊ី, តាហ្ស៊ីគីស្ថាន, ទួគមេនីស្ថាន, អ៊ុយហ្សបេគីស្ថាន និងអ៊ុយក្រែន។ នេះបើយោងតាម Union Rayo ចុះផ្សាយនាចុងខែ មេសា៕