សារដាស់តឿន! មហាសេដ្ឋីនិងបុគ្គលិកល្បីៗ ៣រូប ដាស់តឿនឲ្យមនុស្សគ្រប់គ្នាប្រយ័ត្នបញ្ហាមួយនាពេលអនាគត
ធី ស្រីល័ក្ខMARCH 16 2023828 views

បុគ្គលល្បីៗ ៣រូបមាន លោក Bill Gates លោក Elon Musk និងលោក Stephen Hawking កំពុងតែព្រួយបារម្ភខ្លាំងពីការវិវត្តន៍ខ្លួនរបស់មនុស្សយន្ដ Ai ព្រោះវានឹងធ្វើឲ្យការងាររបស់មនុស្សបាត់បង់យ៉ាងឆាប់រហ័សបំផុតនៅក្នុងឆ្នាំ២០៣០នេះ។ យោងតាមសារព័ត៌មានរបស់ក្រុមហ៊ុន Medium បានឲ្យដឹងថានៅក្នុងពេលបច្ចុប្បន្ននេះ ការងាររបស់មនុស្សចំនួនជាង៣០លានអ្នកនឹងត្រូវបានជំនួសដោយបច្ចេកវិទ្យា Ai (Artificial Intelligence)នៅក្នុងពេលខាងមុខនេះ។ នៅក្នុងឆ្នាំ២០៣០គេបានព្យាករណ៍ថាការងាររបស់ប្រជាជនអាមេរិកប្រមាណជាង៤០%នឹងត្រូវបានជំនួសដោយ Ai ហើយប្រជាជនទាំងអស់នោះនឹងត្រូវអត់ការងារធ្វើដោយសារគ្មានអ្នកណាអាចបញ្ឈប់បច្ចេវិទ្យានេះបាន ។

Ai Future 3300x1479 1 1100x493

ទន្ទឹមនឹងនេះដែរ លោក Bill Gates ក៏បានចាត់វិធានការយ៉ាងធំដើម្បីទប់ស្កាត់បញ្ហាមួយនេះកុំឲ្យកើតឡើងដោយគាត់បានស្នើរសុំឲ្យរដ្ឋាភិបាលឲ្យ គិតលុយថ្លៃពន្ធសម្រាប់អ្នកដែលប្រើប្រាស់ Ai ឲ្យដូចពន្ធដែលជួលមនុស្សមកធ្វើតាមដែរ ប៉ុន្តែការធ្វើបែបនេះក៏វាមិនអាចទប់ស្កាត់បច្ចេកវិទ្យា Ai បានទាំងស្រុងដែរពីព្រោះមនុស្សយន្ដ Ai អាចធ្វើការងារបានលឿនជាងមនុស្សធម្មតានិងមានប្រសិទ្ធភាពជាងការជួលមនុស្សឲ្យមកធ្វើការ។

F2496a37bedb49389be09b44c54cd2da

​ យោងតាមសារព័ត៌មានរបស់ Medium បានឲ្យដឹងថា លោក Stephen Hawking បានឲ្យមនុស្សគ្រប់គ្នាបានដឹងថា​ “រោងចក្រស្វ័យប្រវត្តិកំពុងតែកាត់បន្ថយការងារមនុស្សកាន់តែច្រើនឡើងៗ ហើយវាកំពុងតែបំផ្លាញការងារទាំងនេះឲ្យបាត់បង់ទាំងអស់នៅថ្ងៃអនាគត ដូច្នេះនៅថ្ងៃអនាគតមានតែអ្នកចេះដឹងទេដែលមានអំណាចជាងគេនៅក្នុងពិភពលោក” ។ លោក Stephen Hawking ក៏បានបង្ហាញភាពសោកស្ដាយខ្លាំងនៅក្នុងជីវិតគាត់ដោយសារតែគាត់មិនអាចជួយទប់ស្កាត់​​Aiបាន។ ហើយគាត់តែងតែបារម្ភជានិច្ចថាជីវិតមនុស្សនឹងទៅជាបែបណាក្រោយពេលAiវាយលុកទីផ្សារការងារអស់។

A Corbis 42 22200330 Nkupeh

លោក Elon Musk ក៏បាននិយាយអំពីរឿងនេះដែរនៅក្នុងប្រទេស Dubai ដោយពេលនោះគាត់បាននិយាយថា “តើយើងគួរធ្វើយ៉ាងណាចំពោះភាពអត់ការងារធ្វើបែបនេះ? រឿងនេះនឹងធ្វើឲ្យសង្គមជួបបញ្ហាដ៏ធំមួយបើសិនជាការអភិវឌ្ឍន៍របស់Aiនៅតែបន្ដកើតមានឡើង, ហើយនេះគឺមិនមែនជាអ្វីដែលខ្ញុំប្រាថ្នាថានឹងកើតឡើងទេ ប៉ុន្តែវាប្រាកដជាកើតមានឡើងនៅថ្ងៃអនាគត ពីព្រោះមនុស្សយើងធម្មតាមិនអាចធ្វើការបានល្អដូចមនុស្សយន្ដនោះទេ” ។ លោក Elon Musk បានដាស់តឿនឲ្យអ្នកដែលកំពុងតែស្រាវជ្រាវក្នុងបច្ចេកវិទ្យានេះឲ្យបន្ថយល្បឿនសិនទៅព្រោះគាត់មិនចង់ឃើញប្រជាជនគ្រប់រូបជួបបញ្ហាគ្មានការងារធ្វើទេ។

1000 1650949519392431771941

ដូច្នេះដើម្បីប្រយុទ្ធប្រឆាំងជាមួយការបាត់បង់ការងារនៅក្នុងពេលខាងមុខនេះ​លោក Bill Gate និងលោក​ Elon Musk បានលើកទឹកចិត្តឲ្យមនុស្សគ្រប់គ្នារៀនសូត្រឲ្យបានច្រើនអំពី Artificial Intelligence ដើម្បីវាយបកទៅវិញជាមួយនឹងការបាត់បង់ការងារមនុស្សនៅក្នុងពេលអនាគត។ ហើយក្នុងពេលបច្ចុប្បន្នលោក Elon Musk កំពុងតែស្រាវជ្រាវលើកបច្ចេកវិទ្យា Quantum Ai ដើម្បីប្រយុទ្ធប្រឆាំងជាមួយកំណើនកើនឡើងនៃ Ai ។

អត្ថបទដោយ៖ សម្បត្តិ សុខឡាង

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia