នៅថ្ងៃអាទិត្យ ទី១១ ខែមិថុនា ឆ្នាំ២០២៣ ខាងមុខនេះ មជ្ឈមណ្ឌលសហប្រតិបត្ដិការកម្ពុជា-ជប៉ុន (មសកជ)និងរៀបចំនូវកម្មវិធីពិព័រណ៍ការងារដ៏ធំមួយ ដែលអាចផ្តល់ឱកាសការងាររាប់រយកន្លែងពីក្រុមហ៊ុននិងធនគារធំៗជាច្រើននៅក្នុងប្រទេសកម្ពុជា ជាពិសេសសម្រាប់បងប្អូនដែលកំពុងតែមានចំណាប់អារម្មណ៍ចង់ធ្វើនៅធនាគារដូចជា ABA  ធនាគារអេស៊ីលីដា ធនាគារស្ថាបនា ធនាគារលីហួរ និង ធនាគារ RHB អាចត្រៀម CV ដាក់បានក្នុងពិព័រណ៍ការងារខាងមុខនេះ ដោយដាក់ភ្លាមសម្ភាសន៍ភ្លាមតែម្តង។

ដូច្នេះសម្រាប់អ្នកដែលចាប់អារម្មណ៍សូមកុំភ្លេចចូលរួមឱ្យបានច្រើនកុះករនៅ នៅថ្ងៃអាទិត្យ ទី១១ ខែមិថុនា ឆ្នាំ២០២៣ ខាងមុខនេះ មជ្ឈមណ្ឌលសហប្រតិបត្ដិការកម្ពុជា-ជប៉ុន ចាប់ពីម៉ោង ៨ព្រឹកដល់ម៉ោង ៥ល្ងាច។ក្រៅពីឱកាសការងារជាច្រើនហើយនោះ អ្នកចូលរួមទាំងអស់ក៏នឹងទទួលបាននូវអត្ថប្រយោជន៍ជាច្រើនពីកម្មពិធីនេះដូចជា ការចូលរួមធ្វើសិក្ខាសាលា និង ការប្រឹក្សាយោបល់អំពីការសិក្សា និងអាហារូបករណ៍ទៅប្រទេសជប៉ុន ថែមទៀតផង។

គូសបញ្ជាក់ផងដែរថា ក្រៅពីធនាគារធំៗទាំង ៥ខាងលើហើយ ក៏នៅមានក្រុមហ៊ុនជាច្រើនផ្សេងទៀតចូលរួមជ្រើសរើសបុគ្គលិកផងដែរ ដែលមានដូចជា ក្រុមហ៊ុនដឹកជញ្ជូន Food Panda ក្រុមហ៊ុន DKSH ក្រុមហ៊ុនធានារ៉ាប់រងអាយុជីវិត Prudential ក្រុមហ៊ុន TOYOTA និងក្រុមហ៊ុនល្បីៗផ្សេងទៀតសរុបចំនួន ៣៧ក្រុមហ៊ុន៕

អត្ថបទដោយ៖សម្បត្តិ សុខឡាង