ដើម្បីបង្ហាញពីទឹកចិត្តសប្បុរសធម៌ និងសាមគ្គីភាព សិស្សានុសិស្ស មាតាបិតា អ្នកអាណាព្យាបាល និងសប្បុរសជននានា បានចូលរួមក្នុងកម្មវិធីពិព័រណ៌សប្បុរសធម៌បុណ្យណូអែល ដែលរៀបចំឡើងដោយសាលាអន្តរជាតិសៅប្រ៊ីដកម្ពុជា និងមានការគាំទ្រពីធនាគារ វីង បានរៃអង្គាសថវិកាចំនួន ៧៥៨០.២០ ដុល្លារសហរដ្ឋអាមេរិក ដើម្បីបរិច្ចាគដល់មន្ទីរពេទ្យកុមារអង្គរ ខេត្តសៀមរាប។
លោកស្រី Louisa Condorelli នាយិកាសាលាអន្តរជាតិសៅប្រ៊ីដកម្ពុជា បានថ្លែងថា៖ “យើងខ្ញុំពិតជាមានការស្ងប់ ស្ងែងជាខ្លាំង ដោយបានឃើញសិស្សានុសិស្ស មាតាបិតា អ្នកអាណាព្យាបាល និងសប្បុរសជននានាបានសហការគ្នាយ៉ាងល្អ ក្នុងបុព្វហេតុដ៏សំខាន់នេះ។ យើងបានរៃអង្គាសថវិកាមួយចំនួនជូនទៅដល់មន្ទីរពេទ្យកុមារអង្គរ ដើម្បីជួយ សង្គ្រោះជីវិតកុមារបន្តទៀត។ យើងរួមគ្នាធ្វើឱ្យមានការផ្លាស់ប្តូរដ៏មានអត្ថន័យក្នុងជីវិតកុមារកម្ពុជា។”
កាលពីខែធ្នូកន្លងទៅនេះ កម្មវិធីពិព័រណ៌សប្បុរសធម៌ បានប្រមូលផ្តុំមនុស្សមកពីគ្រប់មជ្ឈដ្ឋាន ដើម្បីរួមចំណែកក្នុងបុព្វហេតុមួយនេះដែលធានាថាកុមារកម្ពុជានឹងទទួលបានការថែទាំសុខភាពដោយឥតគិតថ្លៃ និងប្រកបដោយគុណភាពខ្ពស់។
លោក Dmytro Kolecho អគ្គនាយកនៃធនាគារ វីង មានប្រសាសន៍ថា៖ “នៅពេលដែលកូនៗមានជំងឺ មាតាបិតា មិនគួរមានការព្រួយបារម្ភថា តើពួកគេអាចមានលទ្ធភាពព្យាបាល ឬអត់នោះទេ។ មន្ទីរពេទ្យកុមារអង្គរ គឺជាទីពឹងសម្រាប់គ្រួសាររាប់ពាន់នាក់ ដូចនេះហើយរាល់ការឧបត្ថម្ភរបស់សប្បុរសជនពិតជាបានជួយសង្រ្គោះអាយុជីវិតកុមារជាច្រើន។ យើងខ្ញុំសូមថ្លែងអំណរគុណដល់សប្បុរសជនទាំងអស់ដែលបានចូលរួមក្នុងពិព័រណ៌សប្បុរសធម៌បុណ្យណូអែលនេះ និងសូមលើកទឹកចិត្តដល់សាធារណជនទាំងអស់ឱ្យគាំទ្របុព្វហេតុនេះកាន់តែច្រើន ដោយធានាថាកុមារគ្រប់រូបទទួលបានការថែទាំដែលពួកគេត្រូវការ"
ជារៀងរាល់ឆ្នាំ មន្ទីរពេទ្យកុមារអង្គរ ផ្តល់ការព្យាបាល និងសង្គ្រោះជីវិតកុមារប្រមាណជាង ១០០.០០០នាក់ ដែលភាគច្រើនជាគ្រួសារដែលមានជីវភាពខ្វះខាត។ ការបរិច្ចាគពីសាធារណជនបានដើរតួនាទីយ៉ាងសំខាន់ក្នុងការជួយមន្ទីរពេទ្យអោយបន្តបេសកកម្មរបស់ខ្លួន ដើម្បីផ្តល់ការថែទាំសុខភាពដោយឥតគិតថ្លៃ និងប្រកបដោយគុណភាពខ្ពស់ដល់កុមារដែលត្រូវការ ការព្យាបាល។
ការលើកកម្ពស់សហគមន៍ដោយការរួមចំណែក និងផ្តល់ការគាំទ្រ
ធនាគារ វីង និងសាលាអន្តរជាតិសៅប្រ៊ីដកម្ពុជា បានប្តេជ្ញាចិត្តនឹងរួបរួមគ្នាផ្តល់ត្រឡប់ទៅកាន់សហគមន៍វិញ។ ក្នុងឆ្នាំ ២០២៣ កន្លងទៅនេះ ក្រុមហ៊ុនទាំងពីរនេះបានធ្វើការរួមគ្នារៃអង្គាសថវិកាបានប្រមាណជាង ៧.៥០០ ដុល្លារសហរដ្ឋ អាមេរិក ក្នុងកម្មវិធីពិព័រណ៌សប្បុរសធម៌បុណ្យណូអែល ដែលបានបង្ហាញពីការខិតខំប្រឹងប្រែងធ្វើឱ្យមានភាពប្រសើរឡើងដល់សហគមន៍។
កាលពីដើមឆ្នាំកន្លងទៅនេះ ធនាគារ វីង ក៏បានបរិច្ចាគថវិកាចំនួន ៥.០០០ ដុល្លារសហរដ្ឋអាមេរិកតាមរយៈការរៀបចំកម្មវិធីរត់ម៉ារ៉ាតុងដែលមានបុគ្គលិក សមាជិកគ្រួសារ និងមិត្តភក្តិរបស់ពួកគេចូលរួមចំណែក ដើម្បីជួយដល់កិច្ចការសប្បុរសធម៌នេះ។
ចាប់តាំងពីឆ្នាំ ២០២០ មក ធនាគារ វីង តែងតែផ្តល់ការគាំទ្រឥតឈប់ឈរទៅកាន់មន្ទីរពេទ្យកុមារអង្គរ តាមរយៈការផ្តួចផ្តើមគំនិតនានាជាច្រើន។
សាធារណជនក៏អាចចូលរួមចំណែកជួយដល់កុមារកម្ពុជា តាមរយៈការបរិច្ចាគដោយផ្ទាល់ជាមួយអេប Wing Bank ដោយគ្រាន់តែជ្រើសរើសមុខងារ “ទូទាត់វិក្កយបត្រ” ជ្រើសរើស “អំណោយ និងសប្បុរសធម៌” និងបន្ទាប់មក ”មន្ទីរពេទ្យកុមារអង្គរ” ឬអាចស្កេន KHQR ដែលមាននៅខាងក្រោមនេះ
