ក្រុមហ៊ុនផលិតរថយន្តជប៉ុន Toyota នឹងបោះទុនរកស៊ីបន្ថែមទៀតចំនួន ១,៥ពាន់លានដុល្លារ នៅក្នុងប្រទេសថៃដើម្បីជំរុញផលិតកម្មរថយន្ត Hybrid បន្ថែមទៀត។ នេះបើតាមការដកស្រង់ចេញពីកាសែតបាងកកប៉ុស្តិ៍។
ជាក់ស្តែងនាពេលថ្មីៗនេះ នាយករដ្ឋមន្ត្រីថៃ Paetongtarn Shinawatra បានទទួលស្វាគមន៍លោក Akio Toyoda ប្រធានក្រុមហ៊ុន Toyota Motor Corporation ប្រទេសជប៉ុន នៅវិមានរដ្ឋាភិបាលក្នុងប្រទេសថៃ។ នៅក្នុងជំនួបនេះ រដ្ឋាភិបាលថៃក៏បានផ្តល់អាទិភាពដល់ការការវិនិយោគ និងបង្ហាញការគាំទ្ររបស់ខ្លួនសម្រាប់ក្រុមហ៊ុនរបស់ជប៉ុននៅក្នុងប្រទេសថៃ ក៏ដូចជាអ្នកផ្គត់ផ្គង់ថៃ និងឧស្សាហកម្មពាក់ព័ន្ធ ដែលអាចឱ្យពួកគេប្រកួតប្រជែង និងអភិវឌ្ឍឧស្សាហកម្មប្រកបដោយនិរន្តរភាពថ្មី។
ប្រធានក្រុមហ៊ុន Toyota ក៏បានថ្លែងអំណរគុណចំពោះនាយករដ្ឋមន្ត្រី ថៃ សម្រាប់រយៈពេលជាង៦០ឆ្នាំនៃការគាំទ្រជាបន្តបន្ទាប់ដល់ក្រុមហ៊ុន Toyota ។ លោកបានទទួលស្គាល់តួនាទីយ៉ាងសំខាន់របស់ប្រទេសថៃក្នុងនាមជាមជ្ឈមណ្ឌលផលិតកម្មសម្រាប់ក្រុមហ៊ុនតូយ៉ូតា និងបានលើកឡើងពីស្តង់ដារគុណភាពខ្ពស់នៃគ្រឿងបន្លាស់រថយន្តដែលផលិតដោយប្រទេសថៃ ដែលបំពេញតាមស្តង់ដារដូចគ្នាដែលត្រូវបានទទួលស្គាល់ដោយក្រុមហ៊ុនតូយ៉ូតានៅប្រទេសជប៉ុនផងដែរ។
លើសពីនេះទៅទៀត ប្រធានក្រុមហ៊ុន Toyota ក៏បានបញ្ជាក់ពីគោលដៅរបស់លោកក្នុងការធ្វើឲ្យវិស័យឧស្សាហកម្មរស់ឡើងវិញ រួមបញ្ចូលកំណើនកសិកម្ម និងជំរុញសេដ្ឋកិច្ចជាតិឲ្យមានកំណើនយ៉ាងហោចណាស់ ១%លោកបានធានាថានឹងមិនប៉ះពាល់ដល់ជីវភាពរស់នៅរបស់ប្រជាពលរដ្ឋថៃឬបរិស្ថាននោះទេ៕
